रुपन्देही खबर , ४७८ पटक हेरिएको
भैरहवा, मंसिर २०
रुपन्देही प्रहरीले अवैध चिनीसहित बोलेरो पीकअप बरामद गरेको छ । ईलाका प्रहरी कार्यालय बेथरीबाट खटिएको टोलीले मंगलबार राती २ बजे मायादेवी गाउँपालिका–५ स्थित पर्सहवाबाट ५६ बोरा चिनी र गाडी बरामद गरेको हो ।
बुटवल उपमहानगरपालिका–२ का ३२ वर्षिय ईश्वर भुसालले चलाएको र बुटवल–१३ का २० वर्षिय अर्जुन कुँवर सवार भएको लु २ च २४ नम्बरको पीकअपमा भारतबाट नेपालतर्फ अवैध रुपमा भन्सार छलेर ल्याइएको अवस्थामा चिनीसहित गाडी बरामद गरिएको प्रहरीले जनाएको छ ।
चिनी र गाडी सहित अन्दाजी मूल्य रु ११ लाख ८२ हजारको स्थानीयको रोहबरमा बरामद गरी आवश्यक कारवाहीका लागि मानिस, चिनी र गाडी भैरहवा भन्सार कार्यालय बेलहिया पठाइएको जिल्ला प्रहरी कार्यालय रुपन्देहीका प्रवक्ता तथा प्रहरी नायव उपरीक्षक (डीएसपी) मनोहर प्रसाद भट्टले बताउनु भएको छ ।
प्रकाशित मिति: २०२३-१२-०६ , समय : २१:००:३४ , १२ महिना अगाडि