रुपन्देही खबर , २८५ पटक हेरिएको
भैरहवा, असोज २१
नेकपा एमाले रोहिणी गाउँ कमिटी अध्यक्षसहित सिंगो गाउँकमिटी नै नेकपा एकीकृत समाजवादीमा समाहित भएको छ । समाजवादीकाे मेची-महाकाली जागरण अभियान अन्तर्गत आइतबार भैरहवामा आयाेजित सभामा एमाले राेहिणी अध्ययक्ष सुनिल कौशलको नेतृत्वमा गाउँकमिटी प्रवेश गरेकाे हाे ।
कौशलसहितका टिमलाई एकीकृत समाजवादीका अध्यक्ष तथा पूर्वप्रधानमन्त्री माधवकुमार नेपाल, सम्मानित नेता झलनाथ खनाल, महासचिव घनश्याम भुसाल लगायतले टीका लगाएर पार्टीमा स्वागत गर्नु भएको थियो।
एमालेका गाउँ कमिटीका पदाधिकारीसँगै ५ वटाका वडा शाखा कमिटीका अध्यक्षहरु एकीकृत समाजबादीमा प्रवेश गरेका हुन । उनीहरुलाई पार्टीले उचित जिम्मेवारी दिन जनाएको छ ।
प्रकाशित मिति: २०२३-१०-०८ , समय : २२:४२:१४ , १ वर्ष अगाडि