रुपन्देही खबर , २४१ पटक हेरिएको
काठमाडौं, साउन ४
नेपाली कांग्रेसको केन्द्रीय समिति बैठकमा नक्कली भुटानी शरणार्थी प्रकरणमा थुनामा रहेका पार्टी नेता बालकृष्ण खाँणको निलम्बनको माग गरिएको छ ।
बिहीबारको केन्द्रीय समिति बैठकमा केन्द्रीय सदस्य अजयबाबु शिवाकोटीले खाँणमाथि अन्याय भएको भए किन कांग्रेस सरकारमा बसेको भन्दै प्रश्न गर्नु भएको छ । उहाले यस विषयमा पार्टी दुविधामा बस्न नहुने बताउनु भयो ।
उहाले भन्नु भयो , ‘कांग्रेस प्रचण्ड नेतृत्व सरकारको मुख्य पार्टी हो । यही सरकारले हाम्रा वरिष्ठ केन्द्रीय सदस्य बालकृष्ण खाँणलाई अलग अलग आरोपमा अनुसन्धानका लागि थुनामा पठाएको छ । सभापतिज्यू यो प्रकरणमा हाम्रो दुविधा अचम्मको छ । उहाँप्रति अन्याय भयो भन्ने हो भने कांग्रेस सरकारबाट हट्नुपर्छ । होइन भने थुनामा पठाउँदा पार्टीले निलम्बन गर्नुपर्छ कि पर्दैन ?’
उहाले कुनै पनि भ्रष्टचारलाई कांग्रेसले काँध थाप्न नहुने बताउनु भएको छ ।
प्रकाशित मिति: २०२३-०७-२० , समय : १३:४४:४४ , १ वर्ष अगाडि