फेरि तिम्रै हुन मन छ आमा

भैरहवा ,माघ १४

तिम्रै काखमा बसेर रुन मन छ आमा
मनभरीको पिडा आसुले धुन मन छ आमा

जन्मायौ हुर्कायौ र पाल्यौ तिमि संस्कारमा
तिमी जस्तै मलाई पनि हुन मन छ आमा
तिम्रै काखमा बसेर रुन मन छ आमा

यो छोरी भन्ने जातैको कर्म खै कस्तो
पराइको घरमा पनि तिम्रै तस्बिर छुन मन छ आमा
तिम्रै काखमा बसेर रुन मन छ आमा

पिडा त हजारौं छ्न मनमा सुनाउ त कसलाई
पागल हुन्छु एक्लै यहा त्यहि पिडा धुन मन छ आमा
तिम्रै काखमा बसेर रुन मन छ आमा

अत्याचार र अन्याय सहदा सहदै थाकि सके
कस्तो घरमा दियौ तिमि फेरि तिम्रै हुन मन छ आमा
तिम्रै काखमा बसेर रुन मन छ आमा

लेखक :उर्मिला यादव यात्री
भैरहवा रुपन्देही

प्रकाशित मिति: २०२३-०१-२८ , समय : ०६:३०:४२ , २ वर्ष अगाडि