रुपन्देही खबर , ३३२ पटक हेरिएको
भैरहवा,बैशाख ३१
ओमसतिया गाउँपालिका वडा नम्बर १ को वडाध्यक्ष पदमा राष्ट्रिय प्रजातन्त्र पार्टी (राप्रपा)का बेल बहादुर बराल पुनः विजयी भएका छन । उनीसँगै वडा नम्बर १ मा सदस्यहरु सहित पुरै प्यानल भारी मतान्तरले विजयी भएको हो ।
ओमसतिया गाउपालिका वडा नम्बर १ मा खसेको कुल ३०६७ मत गणना गर्दा विजयी भएका बरालले वडाध्यक्ष पदमा १७३८ मत ल्याएका छन् । त्यस्तै राप्रपाबाट महिला सदस्यमा १५२२, दलित महिला सदस्यमा १५२१, खुल्ला सदस्यमा १४३७ र अल्पसंख्यक सदस्यमा १२५५ मत ल्याएका हुन् ।
राप्रपासँग प्रतिस्पर्धामा रहेको नेकपा एमालेका वडा अध्यक्ष पदका उम्मेदवार रन बहादुर थापाले ६६६ मत ल्याई दोस्रो भएका छन् भने नेपाली कांग्रेसका वडा अध्यक्ष उम्मेदवार ३३३ मत ल्याएर तेस्रो भएका हुन् ।
निर्वाचन अधिकृतको कार्यालयमा ठुटिपिपलमा शुक्रबार राती १ बजेबाट मतगणना सुरु भएको थियो । वडा नम्बर १ को मतगणना शान्तिपुर्ण वातावरणमा सम्पन्न भएको छ । ओमसतियाका निर्वाचन अधिकृत तारा कुमारी शर्माका अनुसार वडा नम्बर २ को मतगणना केही समयमा शुरु हुनेछ ।
प्रकाशित मिति: २०२२-०५-१४ , समय : २२:०८:४६ , ३ वर्ष अगाडि