धनिराम कोरी , ५६५ पटक हेरिएको
कपिलवस्तु, बैशाख २८
कपिलवस्तु नगरपालिका-३ सानो बर्गदहवाबाट प्रहरीले मदिरा बरामद गरेकाे छ । मतदातालाई बाँड्दै गरेकाे अवस्थामा प्रहरीले आज कपिलवस्तुबाट मदिरा बरामद गरेको हाे ।
लु१ज २४१० नम्बरको भ्यानमा राखिएको रक्सी स्थानीयलाई बाँड्न लागेको देखेपछि प्रहरीलाई खबर गरिएको थियो । प्रहरीले बाँड्न लागेको रक्सी सहितको भ्यान र मानिसलाई नियन्त्रणमा लिएको छ । १२ कार्टुन (२६० बोतल) रक्सीसहित एक जनालाई पक्राउ गरेको जिल्ला प्रहरी कार्यालय कपिलवस्तुका प्रवक्ता डिएसपी जेसी शाहले बताउनु भयो ।
निवर्तमान वडा अध्यक्ष तथा क्रिकेट एसोसिएसन कपिलवस्तुका अध्यक्ष समेत रहेका वडा नम्बर ३ का उम्मेदवार प्रकाश गैरेमाथि रक्सी बाँड्न लगाएको आरोप छ । उनी गत निर्वाचनमा नेपाली कांग्रेसबाट वडाध्यक्षमा निर्वाचित भएका थिए ।
प्रकाशित मिति: २०२२-०५-११ , समय : १७:५२:४१ , ३ वर्ष अगाडि