रुपन्देही खबर , ६२२ पटक हेरिएको
कपिलवस्तु, मंसिर २१
कपिलवस्तु जिल्लाको कृष्णनगर बस्ने लुम्बिनी प्रदेश मदरसा बोर्ड उपाध्यक्ष मौलाना मशहुद खां नेपाली सहितको टोलीले लुम्बिनी प्रदेशका शिक्षा तथा खेलकूद मंत्रालयका मन्त्री वसिउद्दिन खानलाई अहिले फेरि रूपन्देही जिल्लाबाट प्रदेश सभा सदस्यमा निर्वाचित भएकोमा उहांलाई भेटेर हार्दिक बधाई दिदै सफल कार्यकालको शुभकामना दिनु भएको छ ।
खां मंत्री हुदा प्रदेशको शिक्षामा अपेक्षित सुधार गर्न हरेक सम्भव प्रयास गर्नु भएको तथा मदरसा शिक्षाको व्यवस्थापनमा राम्रो पहल गरेको र बहुसंख्यक तथा अल्पसंख्यक समुदायको समेत मन जित्न सफल मन्त्रीको रूपमा रहन सफल समेत रहेकाले अब बन्ने लुम्बिनी प्रदेश सरकारमा उहाँ फेरि मंत्री बन्नु पर्ने आवश्यकता रहेको लुम्बिनी प्रदेश मदरसा बोर्ड उपाध्यक्ष मौलाना मशहूद खां नेपालीले बताउनु भएको छ ।
राष्ट्रीय मदरसा संघ नेपालका राष्ट्रीय उपाध्यक्ष शैख जैस मक्की, राष्ट्रीय मदरसा संघ नेपालका सल्लाहकार जहिर अहमद बरेलवी, जाहिर आजाद झण्डानगरी, अकिल अहमद, तोफेल खान लगायत समेतले खां लाई बधाई तथा सफल कार्यकालको शुभकामना दिनु भएको छ ।
प्रकाशित मिति: २०२२-१२-०७ , समय : १७:०५:२३ , २ वर्ष अगाडि