विबेक बिश्वकर्मा , ३९६ पटक हेरिएको
भैरहवा, भदौ २९
५८ औं बालदिवसको अवसरमा आयोजित अन्तर बाल क्लब हाजिरी जवाफ प्रतियोगितामा छोटकी रामनगर माध्यमिक बिद्यालय प्रथम भएको छ । ओमसतिया गाउँपालिकाद्वारा गाउँपालिका स्तरका बाल क्लब बिच आयोजित हाजिरी जवाफ प्रतियोगितामा ठुठिपिपल माध्यमिक बिद्यालय द्वितिय, जन जागृती माध्यमिक बिद्यालय करुवानी तृतिय भएको छ । यसै गरि कोटही आधारभूत बिद्यालय सान्त्वना, पटखौली माध्यमिक बिद्यालय पाचौं र दशरथ जनता माध्यमिक बिद्यालय बसन्तपुर छैठौ भएको पालिकाका शिक्षा शाखा प्रमुख हरि प्रसाद पोखरेलले जानकारी दिनु भएको छ ।
कार्यक्रममा बोल्दै गाउँपालिका अध्यक्ष मञ्जित कुमार यादव (सोनु) ले बाल सहभागिताको दृष्टिकोणबाट कार्यक्रम तर्जुमा गर्दा उनीहरूको साथमा बसेर कार्यक्रमको उद्देश्य बारे छलफल गर्नु पर्ने बताउनु भएको छ ।
“जबसम्म हामीभित्रको सोचमा परिवर्तन हुन सक्दैन यसको सार्थकता त्यति हुन सक्दैन ।” उहाले भन्नु भयो । “यसका लागि केन्द्र देखी स्थानिय तह सम्मका यस क्षेत्रमा क्रियाशिल बालअधिकारकर्मी गैरसरकारी संस्थाहरू सरकारका विभिन्न निकायहरू मन्त्रालय केन्द्रीय बाल कल्याण समिति लगायतका निकायहरू बीचमा पनि यसको सैद्धान्तिक पक्षका बारेमा छलफल हुनु जरुरी छ ।”
यस्तै कार्यक्रममा बोल्दै गाउँपालिकाकी उपाध्यक्ष सुनिता चौधरीले बालविकासमा सहयोग पुग्ने गरि ओमसतिया गाउपालिकाले पनि आफ्नो कार्यक्रमहरु अगाडी बढाएको बताउनु भएको छ । बालबालिकाको लागि गाउपालिकाले बजेट बिनियोजनमा प्राथिमकता दिएको उहाले दावी गर्नु भएको छ । उहाले ओमसतिया गाउपालिकालाइ बालमैत्री स्थानीय शासन गाउपालिकाको रुपमा घोषणा गर्ने तर्फ उन्मुख रहेको र यसको लागि सबैको सहकार्य आवश्यक रहेको बताउनु भयो ।
ओमसतिया गाउँपालिका अध्यक्ष मञ्जित कुमार यादवको अध्यक्षता, उपाध्यक्ष सुनिता चौधरीको प्रमुख आतिथ्यतामा सम्पन्न कार्यक्रममा गाउँपालिकाका प्रमुख प्रशासकिय अधिकृत सागर गौतम, वडा नम्बर ३ का वडा अध्यक्ष प्रकाश सिंह चौधरी, वडा नम्बर ४ का वडा अध्यक्ष अखिलेश्वर पाण्डे, बिभिन्न बिद्यालयका प्रधानअध्यापक, शिक्षकको उपस्थिति रहेको थियो । महिला तथा बालबालिका शाखा प्रमुख निर्मला पाण्डेको सञ्चालनमा कार्यक्रम सम्पन्न भएको थियो ।
प्रकाशित मिति: २०२२-०९-१४ , समय : २०:१६:०८ , २ वर्ष अगाडि