अजय मिश्र , ३५३ पटक हेरिएको
बैशाख ८ कपिलवस्तु
वैशाख ३० गते हुने पालिका चुनावका लागि निर्वाचन आयोगले आज कपिलवस्तु सहित देशका ७ सय ५३ वटै पालिकामा निर्वाचन अधिकृतको कार्यालय स्थापना गरेको छ । सोही क्रममा कपिलवस्तु जिल्लाको कृष्णनगरमा निर्वाचन अधिकृतको कार्यालय स्थापना गरिएको छ ।
आज देखि उक्त कार्यालयको जिम्मेवारी सम्हालेका कृष्णनगर नगरपालिकाका मुख्य निर्वाचन अधिकृत सुमन पाण्डेले अब बैशाख ३० गते सम्म निर्वाचन सम्पन्न गर्नका लागि सबै जिम्मेवारी पालिका भित्र बसी पुरा गर्ने छन् । बैशाख ११ गते उम्मेदवारहरुको उम्मेद्बारी दर्ता प्रक्रिया सुरु भएसँगै बैशाख ३० सम्म निर्वाचन आयोगले तोकेको तालिका अनुसार सबै कामहरुको जिम्मेवारी निर्वाचन अधिकृतको रहने जानकारी गराइएको छ ।
कृष्णनगरमा कार्यालय स्थापना संगै कार्यक्रमको आयोजना गरि कृष्णनगर नगरपालिका नगर प्रमुख रजत प्रताप शाह, कृष्णनगर नगरपालिका प्रमुख प्रशासकीय अधिकृत राम चन्द्र ढकाल, लगायत अन्य जन प्रतिनिधि, विभिन्न पार्टीका प्रतिनिधि, पत्रकार, सुरक्षाकर्मी लगायतको सहभागितामा उपस्थितहरूबाट उठेका निर्वाचन सम्बन्धि जिज्ञासाको कृष्णनगरमा निर्वाचन अधिकृत सुमन पाण्डेले सहजीकरण गर्नुका साथै निर्वाचन आचारसंहिताका विषयमा अन्तक्रिया गर्दै जानकारी प्रदान गरिएको पनि पाण्डेले जानकारी दिनुभयो ।
प्रकाशित मिति: २०२२-०४-२१ , समय : २१:३३:३९ , ३ वर्ष अगाडि