रुपन्देही खबर , ३७३ पटक हेरिएको
पाल्पा, साउन २२
पाल्पामा ६० वर्षिया बृद्धालाई जबरजस्ती करणी गर्न खोज्ने एक जनालाई प्रहरीले पक्राउ गरेको छ । तानसेन ६ सतन्चुली डाँडाका स्थानीय २५ वर्षिय शंकर बिकलाई बृद्ध महिलामाथि जबरजस्ती करणी गर्न खाजेको आरोपमा प्रहरीले पक्राउ गरेको हो ।
बृद्धामाथि जबरजस्ती करणी गर्न खोजेको र नमानेपछि लछारपछार र कुटपिट समेत भएको प्रहरीले जनाएको छ । शनिबार राती साढे ९ बजे भएको घटना सम्बन्धमा पीडित महिलाले आज किटानी उजुरी दिएका आधारमा बिकलाई पक्राउ गरिएको पाल्पा प्रहरी प्रवक्ता डीएसपी बिरेन्द्र थापाले जानकारी दिनु भएको छ ।
पक्राउ परेका बिकलाई थप अनुसन्धानका लागि हिरासतमा राखिएको प्रहरीले जनाएको छ ।
प्रकाशित मिति: २०२२-०८-०७ , समय : २०:४१:१० , २ वर्ष अगाडि