रुपन्देही खबर , १३६ पटक हेरिएको
भैरहवा, चैत २३
राष्ट्रिय स्वतन्त्र पार्टी (रास्वपा)का सभापति रवि लामिछानेलाई भैरहवा ल्याइदैछ । शुक्रबार बेलुका बूढानीलकण्ठस्थित घरबाटै पक्राउ परेका लामिछानेलाई राति जिल्ला प्रहरी परिसरको हिरासतमा राखिएको थियो। शनिबार बिहान उनलाई जहाजमार्फत भैरहवा ल्याइदै गरेको परिसरका प्रवक्ता एसपी अपिलराज बोहराले जानकारी दिनुभएको छ । उनलाई यती एयरलाइन्सको जहाजबाट भैरहवा ल्याइदैछ ।
लामिछानेलाई रूपन्देही प्रहरी कार्यालय पु¥याइनेछ । त्यसपछि बाँकी प्रक्रिया पूरा गरी थुनामा पठाइनेछ । बुटवलको सुप्रिम सहकारीको बचत अपचलन र संगठित अपराध मुद्दामा लामिछानेलाई शुक्रबार उच्च अदालत तुलसीपुरको बुटवल इजलासले थुनामा पठाउन आदेश गरेको थियो । जिल्ला अदालत रूपन्देहीले यसअघि एक करोड धरौटीमा छाड्ने आदेश बदर गरी साधारण तारेखमा छाड्न माग गर्दै लामिछानेले उच्च अदालतमा पुनरावेदन दिएका
शुक्रबार उच्चका न्यायाधीशद्वय रमेश ढकाल र स्विकृती पराजुलीको इजलासले जिल्लाको आदेश उल्ट्याएर लामिछानेलाई थुनामा पठाएर मुद्दाको पुर्पक्ष गर्न आदेश दिएको थियो । अदालतको आदेशसँगै काठमाडौं उपत्यका अपराध अनुसन्धान कार्यालय र प्रहरी वृत्त महाराजगन्जको टोलीले शुक्रबार लामिछानेलाई घरबाटै पक्राउ गरेको थियो ।
प्रकाशित मिति: २०२५-०४-०५ , समय : ०८:५८:१० , १९ घन्टा अगाडि