उर्मिला यादव यात्री , २५४ पटक हेरिएको
भैरहवा, चैत १०
रुपन्देहीको सिद्धार्थनगर ७ भैरहवामा अवस्थित सिद्धार्थ एकेडेमी रुपन्देहीले अतिरिक्त क्रियाकलाप संगै बिद्यार्थीमा अनुशासन र उत्कृष्ट शिक्षा प्रदान गर्दै आएको एक कार्यक्रमका बक्ताहरुले जोड दिएका छन । शनिबार बिद्यालयमा आयोजित सिद्धार्थ एकेडेमी रुपन्देहीको २० औं बार्षिक उत्सव तथा अभिभावक दिवस कार्यक्रममा बोल्ने अधिकांश बक्ताले सो कुरामा जोड दिएका हुन । उनीहरुले भैरहवा मै नमुना बिद्यालयको रुपमा रहेको सिद्धार्थ एकेडेमी बिद्यालयहरुलाई मात्र नभइ अभिभावकहरुलाई समेत धेरै कुरा सिकाएको बताएका हुन ।
कार्यक्रमको उदघाटन गर्नु हुदै प्रमुख अतिथी सिद्धार्थनगर नगरपालिकाको शिक्षा शाखा प्रमुख जान्ह्वी पाण्डेले विद्यार्थी र विद्यालयको शैक्षिक विकासका लागि नगरपालिका र आफू प्रतिबद्ध रहेको बताउनु भएको छ । उहाले बालबालिकाको शैक्षिक विकासको लागि अभिभावक, समुदाय र सम्बन्धित सम्पूर्ण पक्षले विशेष भुमिका खेल्नुपर्ने बताउनु भयो । प्रमुख अतिथी पाण्डेले बिद्यालयले बिद्यार्थीको मार्ग निर्देशन गरे पनि मुख्य सिकाई परिवारबाट नै भएकोले बालबालिकाहरुलाई संस्कार लगायत उनीहरुको अवलोकन परिवारले गर्नुपर्ने बताउनु भयो । उहाले बालबालिकाको क्षमता रुचि अनुसार नै उनीहरुलाई त्यही क्षेत्रमा अगाडी बढाउन अभिभावकहरुसंग आग्रह समेत गर्नू भएको छ ।
पाण्डेले शिक्षक मात्रैको प्रयासले शैक्षिक अवस्था सुधार गर्न नसकिने बताउदै यसका लागि अभिभावक, बिद्यालय व्यवस्थापन समिति पनि जागरुक भएर लाग्नुपर्ने बताउनु भएको छ । यसका लागि स्थानीय सरकारको पनि उत्तिकै भूमिका रहेको बताउँदै आफु सदैव तयार रहेको बताउनु भएको छ । उहाले अबको शिक्षक सूचना तथा संचार प्रबिधिमा पूर्ण जानकार र अद्यावधिक भएको हुनुपर्ने बताउदै प्रविधि प्रयोगको तालिम हरेक शिक्षकले लिएर आफूलाई अब्बल बनाएर मात्र कक्षामा प्रवेश गर्नुपर्ने अवस्था आएको र यसको लागि तीनै तहका सरकार र विद्यालयले मद्दत गर्नुपर्नेमा जोड दिनु भएको छ । उहाले सिद्धार्थ एकेडेमी रुपन्देहीको विकासका लागि नगरपालिकाको साथ सहयोग सधै रहिरहने प्रतिबद्धता समेत गर्नु भएको छ ।
यस्तै गरी बिद्यालयका प्राचार्य अमित यादवले बिद्यालयका शिक्षक र कर्मचारी लगायत बिद्यालयको सम्पुर्ण टिमको अथक प्रयासले नै सिद्धार्थ एकेडेमी रुपन्देही शैक्षिक गुणस्तरमा फडको मारेको बताउनु भएको छ । उहाले आगामी दिनमा समेत यस बिद्यालयलाई भैरहवाको नमुना बिद्यालय र उत्कृष्ट बिद्यालयको रुपमा बिकास गर्दै लैजाने प्रतिबद्धता समेत गर्नु भएको छ । उहाले यस बिद्यालयमा कक्षा ९ र १० लगायत प्लस टु सम्मका कक्षा संचालन गर्ने योजनाका साथ प्राबिधिक शिक्षा लाई जोड दिने उदेश्यका साथ अगाडी बढेको उल्लेख गर्नु भयो ।
प्राचार्य यादवले छोटो अवधिमा बिद्यालयको टिमले बिद्यालय र बिद्यार्थीहरु बिकासको लागी गरेको अथक प्रयासले नै बिद्यालय यहा सम्म आइपुगेको जोड दिदै बिद्यालयको बिकास र शैक्षिक गुणस्तरमा अझै फड्को मार्ने योजनाका साथ कामहरु गरिरहेको समेत जानकारी दिनु भएको छ । उहाले बिद्यार्थीहरुको बिकास र उत्कृष्ट शिक्षा प्रदान गर्दै बिद्यार्थीमा अनुशासन लगायत अतिरिक्त क्रियाकलापमा बिशेष जोड दिदै आएको बताउनु भयो ।
यस्तै गरी जिवन बिज्ञान प्रतिष्ठान भैरहवाका प्रमुख खगनाथ गैरैले सिद्धार्थ एकेडेमी रुपन्देहीले पछिल्लो समय शिक्षामा धेरै फडको मारेको बताउनु भएको छ । उहाले बिद्यालयलाई अग्र पंक्तिमा पुरयाउनका लागी शिक्षक अभिभावक लगायतको अहम भुमिका भएकोले हातेमालो गर्दै अगाडी बढनुपर्नेमा जोड दिनु भएको छ । उहाले बिद्यालय नै बिद्यार्थीहरुको पबित्र मन्दिर भएकोले यसलाई सबैले संरक्षण गर्दै मिलेर अगाडी बढेमा मात्र बिद्यार्थीहरुको भबिष्य उज्वल हुन सक्ने बताउनु भएको छ ।
यस्तै गरी रुपन्देही जिल्ला अदालतका सुरक्षाकर्मी प्रमुख केशव पाण्डेले बोल्दै आधुनिक शिक्षा नै आजको आवश्यकता भएकोले यहाका शिक्षकहरुलाई सोही अनुसार शिक्षा प्रदान गर्न अनुरोध गर्दै यसमा अभिभावकहरुलाई आफनो महत्वपुर्ण भुमिका निर्वाह गर्न आग्रह गर्नू भएको छ । उहाले बालबालिकामा राम्रो शिक्षा र आचारणको प्रभाव अभिभावकबाट आउनुपर्ने जोड दिनु भयो ।
सिद्धार्थ एकेडेमी रुपन्देहीको सहप्रचार्य अम्बिका गुरुंग स्वागत मन्तब्य रहेको २० औं बार्षिक उत्सव तथा अभिभावक दिवस २०८१ कार्यक्रममा बिद्यालयकी शिक्षिका रबिना कुर्मी, कक्षा ६ का बिद्यार्थी आरुष श्रेष्ठ लगायतले शुभकामना मन्तब्य राख्नु भएको थियो भने कार्यक्रम संचालन ब्राइट स्टार इंगलिस बोडिंग स्कुल कक्षा ९ का बिद्यार्थी दिपिका कुवर र रिवाज पौडेलले गर्नु भएको थियो ।
कार्यक्रममा सहभागी अभिभावकहरुलाई समेत प्रशंसा पत्रले सम्मान गरिएको थियो भने बिद्यालयमा भएका बिभिन्न खेलकुल प्रतियोगिता र आर्थिक बर्ष २०८० मा उत्कृष्ट स्थान हासिल गरेका बिद्यार्थीहरुलाई मेडल,प्रमाण पत्र, र शिल्ड प्रदान गरी सम्मान गरिएको थियो भने कार्यक्रममा बिद्यार्थीहरुले सांस्कृतिक नाचगान मार्फत आ आफनो कला प्रस्तुत गरेका थिए ।
बिद्यालयका प्राचार्य अमित यादवको अध्यक्षता तथा सिद्धार्थनगर नगरपालिकाको शिक्षा शाखा प्रमुख जान्ह्वी पाण्डेको प्रमुख आथित्यतामा शनिवार बिद्यालय भएको २० औं बार्षिक उत्सव तथा अभिभावक कार्यक्रममा ब्राइट स्टार इंगलिस बोडिंग स्कुलका प्राचार्य एल.बि.रौतार, सहप्राचार्य राहुल यादव, मोर्डन पब्लिक स्कुलका कोर्डिनेटर मुकेश यादव, जिवन बिज्ञान प्रतिष्ठान भैरहवाका प्रमुख खगनाथ गैरे, समाजसेवी केशव पाण्डे, अनामिका कन्सल्टेन्सी भैरहवाका प्रमुख अनामिका यादव, ब्राइट स्टार इंगलिस बोडिंग स्कुलका कोर्डिनेटर नारायण कस्यप, सिद्धार्थ एकेडेमीका शेयर सदस्य, अभिभावक, बिद्यालयका शिक्षकहरु, बिद्यार्थी लगायत बिभिन्न संस्थाका पदाधिकारी,सरोकारवाला निकाय लगायतको उल्लेख्य सहभागिता रहेको थियो ।
प्रकाशित मिति: २०२५-०३-२३ , समय : १३:३८:२१ , २ हप्ता अगाडि