रुपन्देही खबर , ४३९ पटक हेरिएको
धकधइ , माघ १०
रुपन्देहीको रोहिणी ३ धकधइमा मोटरसाईकल दुर्घटना हुदा एक जनाको मृत्यु भएको छ । मृत्यु हुनेमा कपिलवस्तु जिल्लाको वाणगंगा नगरपालिका वडा नम्बर ३ बस्ने ३७ वर्षिय कृष्ण मुरली खनाल रहेको प्रहरीले जनाएको छ ।
जिल्ला प्रहरी कार्यालय रुपन्देहीका प्रवक्ता प्रहरी नायब उपरिक्षक सुरज कार्कीका अनुसार परासीबाट भैरहवा आउने क्रममा रोहिणी गाउँपालिका वडा नम्बर ३ को धकधई बजार नजिकै करिब ६ बजे दुर्घटना भएको हो । ना १ क १७५३ नम्बरको ट्रकलाई सोही दिशाबाट आउदै गरेको लु ८२ प २७५५ नम्बरको मोटरसाईकलले ओभरटेक गर्ने क्रममा दुर्घटना भएको थियो । दुर्घटनामा घाईते चालक खनाललाई उपचारको लागि भैरहवा स्थित युनिभर्सल कलेज अफ मेडिकल साईन्सेजमा पुर्याउदा अस्पतालले उनलाई मृत घोषित गरेको प्रहरी प्रवक्ता कार्कीले बताउनु भयो ।
ट्रक चालक धादिङ्गको बल्छि गाउँपालिका वडा नम्बर ७ बस्ने ४० वर्षिय नवराज खतिवडालाई प्रहरीले नियन्त्रणमा लिएको र घटना बारे थप अनुसन्धान भई रहेको कार्कीले जानकारी दिनु भएको छ ।
प्रकाशित मिति: २०२५-०१-२३ , समय : २०:३१:५५ , १ हप्ता अगाडि