रुपन्देही खबर , १४८ पटक हेरिएको
भैरहवा, माघ १०
गोपाल सेवा समिती क्षेत्र नम्बर ५ रुपन्देहीको आयोजनामा गैडहवा गाउपालिका ३ समयमाइ थान हाथीबजारमा शनिबार मकर संक्रान्ती खिचडी महोत्सव एवम सम्मान तथा बिरहा मुकाबला कार्यक्रम सम्पन्न भएको छ ।
गोपाल सेवा समिती क्षेत्र नम्बर ५ का अध्यक्ष रामबेलास यादवको अध्यक्षता तथा गैडहवा गाउपालिकाका अध्यक्ष सुरेन्द्र पौडेलको प्रमुख आथित्यतामा कार्यक्रम सम्पन्न भएको हो । कार्यक्रमको उदघाटन गर्नु हुदै प्रमुख अतिथी गैडहवा गाउपालिकाका अध्यक्ष पौडेलले यस्ता कार्यक्रमले समाजमा सकरात्मक संदेश दिएको बताउनु भएको छ । उहाले आफनो संस्कार र धर्मलाई संरक्षण गर्ने यस्ता खालका कार्यक्रमहरुको लागी गैडहवा गाउपालिकाले निरन्तरता दिने प्रतिबद्धता समेत गर्नु भएको छ ।
यस्तै गरी गोपाल सेवा समिती रुपन्देहीका केन्द्रिय उपाध्यक्ष भरथरी यादवले आगामी बर्षहरुमा रुपन्देहीको १६ वटै पालिकाहरु लगायत अन्य जिल्लाहरुमा अभियानकै रुपमा यस्ता कार्यक्रम गर्ने जोड दिनु भएको छ ।
कार्यक्रममा खुदाबागर आर्दश कलेजका क्याम्पस प्रमुख रामबली यादवले यस्ता कार्यक्रमले समाजमा भावनात्मक सम्बन्धको बिकासमा ठुलो टेवा पुग्ने बताउनु भएको थियो । उहाले समुदायमा बिभिन्न भाषा,धर्म संस्कृतिका मानिसहरुको बसोबास भए पनि यस्ता कार्यक्रमले नया उर्जा प्रदान गर्ने बिश्वास ब्यक्त गर्नु भयो । सभ्यता र संस्कारको मार्गदर्शन गर्ने यस्ता कार्यक्रमहरु समाजका लागी आवश्यक भएको बताउनु भएको थियो ।
जनकल्याण मा.बि.ठकुरापुर अैचावलका प्रधानाध्यापक संजय कुमार यादव को स्वागत मन्तब्य रहेको जनमत पार्टी शिक्षक संघका केन्द्रिय सदस्य रामदेव यादव, गोपाल सेवा समितीको जिल्ला सदस्य रामचन्द्र यादव, गैडहवा गाउपालिकाको उपाध्यक्ष माधुरी जैसवाल, पुर्वराज्य मन्त्री ओमप्रकाश यादव गुल्जारी, पुर्व सांसद सोनिया यादव, गैडहवा गाउपालिकाका पुर्व गाउपालिका अध्यक्ष बच्चुलाल केवट, गोपाल सेवा समितीका केन्द्रिय उपाध्यक्ष तथा रुपन्देही जिल्ला अध्यक्ष भरथरी यादव लगायतले शुभकामना मन्तब्य राख्नु भएको थियो भने स्थानिय कलाकार तथा बिरहा गायक उमेश यादवले स्वागत गीत मार्फत सबैलाई कार्यक्रममा स्वागत गर्नु भएको थियो ।
कार्यक्रममा बिरहा गायक कबिता यादव र राधेश्याम यादवको बेजोड प्रस्तुती रहेको थियो भने समाजमा बिभिन्न किसिमका योगदानहरु पुरयाउनु भएको ब्यक्तित्वहरुलाई सम्मान समेत गरिएको थियो ।
प्रकाशित मिति: २०२५-०१-२३ , समय : १०:५४:०६ , १ हप्ता अगाडि