रुपन्देही खबर , ६७ पटक हेरिएको
भैरहवा, पुस ६
नेपाल कम्यूनिष्ट पार्टी माओवादी केन्द्र सिद्धार्थनगर नगर समिति, रुपन्देहीको तेस्रो नगर अधिवेशन आज हुदैछ । नगर अधिवेशनको तयारी पूरा भएको पार्टीको नगर सह–सचिव दिलिप प्रजापतिले जानकारी दिनु भएको छ । तेस्रो नगर अधिवेशन आज शनिबार भैरहवास्थित पटवा बैंक्वेटमा हुँदैछ ।
अधिवेशनको पार्टीका केन्द्रीय सचिव तथा पूर्व कृषिमन्त्री चक्रपाणि खनाल ‘बलदेव’ ले उद्घाटन गर्नुहुने माओवादी केन्द्र सिद्धार्थनगरका उपाध्यक्ष एवं अधिवेशनको प्रचार प्रसार समिति संयोजक ध्रुब लाम्गादेले बताउनु भएको छ । उहाका अनुसार अधिवेशनको उद्घाटन आज बिहान ११ बजे हुनेछ ।
‘अधिवेशन उद्घाटन हुनु पहिले बिहान ९ः३० बजेदेखि पूर्व नारायणपथस्थित जिल्ला पार्टी कार्यालयबाट खबरदार्री याली सुरु हुने आयोजकले जनाएको छ र्। याली मिलनचोकमा पुगेर खबरदारी सभामा परिणत हुनेछ । त्यसपछि बैंकरोड, देवकोटाचोक हुँर्दै याली अधिवेशनस्थलमा पुग्ने अधिवेशनको प्रचार प्रसार समिति संयोजक लाम्गादेले जानकारी दिनुभएको छ । बेथिति, भ्रष्टाचार, महंगी र सरकारको जनविरोधी कदमकाविरुद्ध खबरदारी सभा गर्न लागिएको उहाले जानकारी दिनु भएको छ ।
अधिवेशनमा सचिव खनालसहित स्थायी कमिटी सदस्य एवं पूर्वराज्यमन्त्री हकिकुल्ला खाँ, पूर्ववनमन्त्री एवं केन्द्रीय सदस्य मोहम्मद वकील मुसलमान, केन्द्रीय सदस्य किस्मत वि।क।, मक्सुद अली, लुम्बिनी प्रदेशका पूर्वमन्त्री तथा पार्टीका प्रदेश अध्यक्ष सुदर्शन बराल, रुपन्देही जिल्ला अध्यक्ष निर्मल जि.सी., कार्यवाहक जिल्ला इञ्चार्ज सोनिया यादव लगायत नेता कार्यकर्ताहरुको उपस्थिति रहने लाम्गादेले जानकारी दिनु भएको छ । । उहाका अनुसार नगर अधिवेशनबाट १८६ जना प्रतिनिधि छनौट हुनु भएको छ ।
प्रकाशित मिति: २०२४-१२-२१ , समय : ०८:२०:५६ , १ दिन अगाडि