रुपन्देही खबर , ३२० पटक हेरिएको
भैरहवा, मंसिर ३
रुपन्देहीको सिद्धार्थनगर नगरपालिका वडा नम्बर ३ चाँदनी चोकबाट अवैध लागूऔषध गाँजा सहित २ जनालाई प्रहरीले पक्राउ गरेको छ । पक्राउ पर्नेमा सिनपा ३ डेरा गरी बस्ने सिद्धार्थनगर नगरपालिका वडा नम्बर १ रानीगाउँ घर भएका ३० वर्षिय कमल रसाईली र मकवानपुर थाहा नगरपालिका ७ बस्ने २३ वर्षिय दिनेश कार्की रहेका छन ।
आइतबार लागूऔषध नियन्त्रण ब्यूरो शाखा कार्यालय भैरहवा र जिल्ला प्रहरी कार्यालय रूपन्देहीबाट खटिएको प्रहरी टोलीले कमलको कोठाबाट करिब ३ किलोग्राम गाजा सहित दुबै जनलाई पक्राउ गरेको हो । पक्राउ परेका दुबै जनालाई आवश्यक कारवाहीका लागी प्रहरीले अनुसन्धान गरिरहेको जनाएको छ ।
प्रकाशित मिति: २०२४-११-१८ , समय : ११:११:२० , ३ दिन अगाडि