रुपन्देही खबर , १७९ पटक हेरिएको
तिलोत्तमा, चैत्र १६
रूपन्देहीको मणिग्राममा सामुदायिक रूपमा सञ्चालित क्यू.ए.ए. प्राप्त क्याम्पस राममणिलाई अझ गुणस्तरीय बनाउन बिहीबार क्याम्पसमा आयोजित कार्यक्रममा जोड दिइएको छ । क्याम्पसमा गठित स्नातक तह पहिलो वर्षको क्वालिटी सर्कल (गुणस्तर समूह)का विद्यार्थीका लागि आयोजित प्रशिक्षण तथा कार्यशालामा सो कुरामा जोड दिइएको हो ।
सो अवसरमा क्याम्पस प्रमुख ताराप्रसाद पराजुलीले विद्यार्थीसमेत सबैपक्ष स्वस्फूर्त रूपमा अघि बढेमा क्याम्पस सहित स्थानीय क्षेत्रको विकाशमा टेवा पुग्ने बताउनुभयो । कार्यक्रममा प्रशिक्षकहरूः मुक्तिनाथ गैह्रेले गुणस्तरका विषयवस्तु सहित क्यू.ए.ए. मा जाने प्रक्रिया एवम् त्यसका उपयोगिता सम्बन्धमा र जगन्नाथ बस्यालले बैठक सञ्चालन तथा अभिलेखीकरण विषयमा प्रशिक्षण दिनुभएको थियो ।
सहायक क्याम्पस प्रमुख खुमकान्त पाण्डेयको सञ्चालन एवम् स्वअध्ययन समूह (स्याट) का संयोजक नोवराज तिवारीको उपस्थितिमा कार्यक्रम भएको थियो । सहभागी विद्यार्थीले कार्यशालाका विषयमाथि समाधानमूलक सामूहिक जिज्ञासा सहित प्रस्तुति दिएका थिए ।
प्रकाशित मिति: २०२४-०३-२९ , समय : ०४:५८:४३ , ८ महिना अगाडि