रुपन्देही खबर , ४९४ पटक हेरिएको
भैरहवा, फागुन १३
जिल्ला प्रहरी कार्यालय रुपन्देहीले चाँदी र पित्तल जस्तो देखिने धातु बरामद गरेको जनाएको छ । रुपन्देहीको सिद्धार्थनगर नगरपालिका १ बेलहिया भैरहवा भन्सार कार्यालय नजिकबाट चाँदी जस्तो देखिने धातु करिब १ किलो २ सय ग्राम र पहेलो रंगको पित्तल जस्तो देखिने धातु ४ तोला ३९ लाल शनिबार साँझ प्रहरीले बरामद गरेको हो ।
नेपालबाट भारततर्फ अवैध रूपमा लैजादै गरेको अवस्थामा ईलाका प्रहरी कार्यालय बेलहियाबाट खटिएको प्रहरीलाई देख्नासाथ उक्त धातु छाडी मानिस फरार भएपछि उक्त परिमाणको धातु प्रहरीले बरामद गरेको जनाएको छ । हाल फरार व्यक्तिको खोजी गर्नुका साथै यस बिषयमा प्रहरीले आवश्यक अनुसन्धान गरिरहेको जनाएको छ ।
प्रकाशित मिति: २०२४-०२-२५ , समय : १४:१४:१८ , ९ महिना अगाडि