रुपन्देही खबर , ३२७ पटक हेरिएको
बुटवल, मंसिर २३
समाजवादी प्रेस संगठन नेपाल रुपन्देहीले आगामि पुस १३ र १४ गते बुटवलमा बिशेष कार्यक्रम गर्ने भएको छ । संगठनको जिल्ला कार्यसमितिको शनिबार बुटवलमा बसेको बैठकले बदलिएको समयको पत्रकारिताका अवसर र चुनौतीलाई मध्यनजर गरि सरोकारवालाहरुको उपस्थितीमा अन्तरक्रिया गर्ने निर्णय गरेको हो ।
अध्यक्ष विनोद परियारको अध्यक्षतामा बसेको बैठकले अन्तरक्रियासँगै रुपन्देहीका अग्रज पत्रकार सम्मान गर्ने निर्णय समेत गरेको सचिव प्रतिक पौडेलले बताउनु भएको छ ।
यसैगरी रुपन्देहीलाई कर्मथलो बनाई पत्रकारितामा क्रियाशिल एक जना पत्रकार पुरस्कृत गर्ने गरी सृजनशिल पत्रकारिता पुरस्कार स्थापन गर्ने निर्णय समेत बैठकले गरेको छ । पुरस्कारको कोषस्थापनाका लागि शुभेच्छुकहरुलाई अनुरोध गर्ने र कार्यवधि तयार पार्ने निर्णय बैठकले गरेको छ ।
बैठकमा नेकपा एकिकृत समानवादीका केन्द्रीय सदस्य एंव संगठनका केन्द्रीय सल्लाहकार सिद्धिचरण भट्टराईले पत्रकारितामा नयाँ पुस्ताको आगमन नभएकाले अब नयाँ पत्रकार उत्पादन गर्ने अभियानमा समाजवादी प्रेस संगठन लाग्न आग्रह गर्नु भएको छ । बैठकमा अध्यक्ष परियारले समाजवादी प्रेस संगठनलाई गुणस्तरीय पत्रकारहरुको संगठनका रुपमा स्थापित गर्नका लागि आगामि दिनमा तालिम र अन्य विभिन्न रचनात्मक अभियानहरु सञ्चालन गर्ने कार्ययोजना बताउनु भएको थियो ।
प्रकाशित मिति: २०२३-१२-०९ , समय : १७:००:०७ , १२ महिना अगाडि