रुपन्देही खबर , २९५ पटक हेरिएको
भैरहवा, मंसिर २३
सद्धार्थ सामुदायिक सिकाई केन्द्र रोहिणी गाउँपालिका–४ छिपागढ, रुपन्देहीको १५ औं साधारण सभा तथा ५ औं अधिवेशनबाट पुन संजय कुमार गुप्ता अध्यक्षमा निर्वाचित हुनु भएको छ । शुक्रबार छिपागढ सामुदायिक भवनमा भएको ५ औं अधिवेशनले गुप्ताको अध्यक्षतामा आगामी ४ वर्षे कार्यकालको लागि नयाँ कार्यसमिति सर्वसम्मत निर्वाचित भएको हो । यस्तै गरी सिकाइ केन्द्रको कार्यसमिति सदस्यहरुमा सुर्यनारायण यादव, नेत्रमणि पाण्डे, दुर्गा घर्ती र लावाङी हरिजन रहनु भएको छ ।
सिद्धार्थ सामुदायिक सिकाई केन्द्रका अध्यक्ष संजय कुमार गुप्ताको अध्यक्षता, तथा रोहिणी गाउँपालिकाका अध्यक्ष विद्या प्रसाद यादवको प्रमुख आतिथ्यतामा १५ औं साधारण सभा तथा ५ औं अधिवेशन सम्पन्न भएको हो । कार्यक्रममा गाउँपालिका उपाध्यक्ष शिवकान्ती हरिजन, रोहिणी ४ का वडाअध्यक्ष तारानाथ यादव, वडा नम्बर ५ का वडाअध्यक्ष घनश्याम सिंह, गाउँ कार्यपालिका सदस्य नियात अली, गाउँपालिकाका शिक्षा शाखा प्रमुख मधु प्रसाद घिमिरे, समाजसेवी धनेश्वरी चौधरी, श्री छिपागढ माध्यमिक विद्यालयका प्रधानाध्यापक इन्द्र कुमार यादवको लगायतको सहभागिता रहेको थियो ।
प्रकाशित मिति: २०२३-१२-०९ , समय : १२:०७:५८ , १२ महिना अगाडि