रुपन्देही खबर , २७३ पटक हेरिएको
दाङ, साउन २८
दाङमा खोलाले बगाउँदा एक जना जेष्ठनागरीक बेपत्ता भएका छन । घोराही बेलझुण्डी नजिकैको पत्रे खोलाले घोराही उपमहानगरपालिका ११ स्थित झमरेका ६४ वर्षीय तिलकराम विकलाई बगाउँदा बेपत्ता भएका हुन ।
उनलाई खोला किनारामा गएको बेला खोलाले बगाएको जिल्ला प्रहरी कार्यालय दाङका प्रहरी नायव उपरीक्षक राजनकुमार गौतमले जानकारी दिनु भएको छ ।
अरु दिन झैं दिसा गर्न खोला किनारामा गएका विक अबेरसम्म पनि नफर्किएपछि परिवारका सदस्य खोजी गर्दै खोलासम्म पुगेका थिए । सो क्रममा खोला किनारामा उनको छाता, चश्मा र लठ्ठी फेला परेको थियो । उनको खोजी कार्य भइरहेको प्रहरीले जनाएको छ ।
प्रकाशित मिति: २०२३-०८-१३ , समय : १५:४६:०० , १ वर्ष अगाडि