अजय मिश्र , ६३२ पटक हेरिएको
कृष्णनगर , जेष्ठ ७
कपिलवस्तु जिल्लाको कृष्णनगर नगरपालिका नव निर्वाचित नगर प्रमुख रजत प्रताप शाहले पद तथा गोपयिनताको सपथ लिएका छन् ।कपिलवस्तु जिल्ला अदालतमा कपिलवस्तु जिल्लाका मुख्य निर्वाचन अधिकृत तथा जिल्ला न्यायधिश तेजेन्द्र प्रसाद शर्माले शाहलाई सपथ ग्रहण गराएका छन् । उक्त सपथ ग्रहणमा प्रतिनिधि सभा सदस्य अभिषेक प्रताप शाह लगायत अन्य रहेका थिए ।
सपथ लिनु भएका शाहले अब नगरपालिका उपप्रमुख, वडाध्यक्ष र सदस्यहरुलाई सपथ गराउनु हुनेछ । स्थानीय सरकार सञ्चालन ऐन २०७४ को दफा १०९ (१) बमोजिम सपथ ग्रहण गराइएको छ ।
सो ऐनको दफा १०९ (२) अनुसार प्रमुखले उपप्रमुख, वडाध्यक्ष र वडा सदस्यहरुलाई सात दिनभित्र सपथ गराउनु पर्ने व्यवस्था रहेको छ । कृष्णनगर नगरपालिका प्रमुखमा पुन दोस्रो कार्यकालका लागि निर्वाचित हुनु भएको छ ।
प्रकाशित मिति: २०२२-०५-२१ , समय : १०:४६:३३ , ३ वर्ष अगाडि