रुपन्देही खबर , २५५ पटक हेरिएको
बुटवल, फागुन १४
पत्रकार मनोज हितंगाको सडक दुर्घटनामा परी ज्यान गएको छ । गएराती बुटवलको मिलनचोकमा भएको सडक दुर्घटनामा रुपन्देहीका पत्रकार हितंगाको ज्यान गएको हो । गएराती करिव सवा ११ बजे बुटवलको मिलनचोकबाट अस्पताललाईनतर्फ गईरहेका हितंगा सवार माेटरसाइकल र अस्पताललाईन तर्फबाट मिलनचोक तर्फ आउँदै गरेको यात्रुबाहक बस बसपार्क नजिकै एकआपसमा ठक्कर खाँदा उक्त दुर्घटना भएको प्रहरीले जनाएको छ ।
दुर्घटनाबाट गम्भिर घाईते हितंगालाई स्थानीय र प्रहरीले उद्दार गरी उपचारका लागि लुम्बिनी प्रादेशिक अस्पताल लगेकोमा उपचारकै क्रममा उनको निधन भएको प्रहरीले जानकारी दिएको छ ।
लामो समयदेखि टेलिभिजन क्यामेराम्यानको रुपमा कार्यरत हितंगा पछिल्लो समय एन.एन.टिभीको लुम्बिनी प्रदेश कार्यालयमा सम्वादाताको रुपमा कार्यरत थिए । पाल्पाको तानसेन नगरपालिकाका स्थायी बासिन्दा हितंगा करिब १५ वर्षदेखि बुटवलको बुद्धनगरमा बस्र्दै आएका थिए । हितंगाका बुवा, श्रीमती र २ भाइ रहेका छन् ।
प्रकाशित मिति: २०२३-०२-२६ , समय : ०९:२२:३९ , २ वर्ष अगाडि