महेश यादव , ४०३ पटक हेरिएको
परासी , भदौ १
पश्चिम् नवलपरासीको सरावल गाउपालिकाका अध्यक्ष सुखारी प्रसाद चौधरीले आफ्नो पालिकालाई संगीतको माध्यमबाट चिनाउने बताउनुभएको छ । बुधबार बैदिक धर्म परिषद नेपाल जिल्ला शाखा पश्चिम नवलपरासीले आयोजना गरेको १५ दिने बाध्यबाधन भजन तालिममा बोल्दै उहाँले पालिका भित्र भौतिक विकास संगसंगै धर्म, सस्कृती र संगीतको पनि विकास गर्ने बताउनु भएको छ ।
उहाँले मानिसले जति पनि धन सम्पति कमाएपनि उसलाई आनन्दित र खुसी बनाउने माध्यम नै संगीत रहेकाले सरावल गाउपालिकाले यस क्षेत्रमा योजना बनाएरै काम गर्ने बताउनुभयो ।
परिषदका जिल्ला अध्यक्ष नारायण पाण्डेको अध्यक्षतामा तालिम सुरु भएको हो । सो अवसरमा सरावल गाउपालिकाकी उपाध्यक्ष बासमति हरिजन, देवेन्द्र शर्मा, पेउनारायण न्यौपाने, भिमा न्यौपाने, लगायतले मन्तब्य राख्नुभएको थियो ।
तालिमको प्रमुख प्रशिक्षकको रुपमा रहनुभएका श्रुती संगीतालय बर्दघाटका प्रमुख लोक जी मिजारले १५ दिन सम्म प्रशिक्षण दिनुहुने कार्यक्रम रहेको सञ्चालक परिषदका जिल्ला सचिव लिलाधर पाण्डेले जानकारी दिनुभएको छ । सो कार्यक्रम बैदिक धर्म परिषद ओम कारेश्वर शिव पचांग मन्दिर जिल्ला कार्यालय सरावल १ बासाबसहीमा सुरु भएको छ ।
प्रकाशित मिति: २०२२-०८-१७ , समय : १९:५७:१३ , २ वर्ष अगाडि