उर्मिला यादव यात्री , १५८ पटक हेरिएको
भैरहवा, चैत २१
रुपन्देहीको भैरहवामा यहि चैत २३ गतेदेखी समाजवादी विद्यार्थी युनियन, नेपालको प्रथम राष्ट्रिय महाधिवेशन हुने भएको छ । समाजवादी विद्यार्थी युनियन, नेपालको राष्ट्रिय महाधिवेशन आयोजक समितीले बिहीबार भैरहवामा पत्रकार सम्मेलन गर्दै चैत २३ र २४ गते दुई दिन सम्म प्रथम राष्ट्रिय महाधिवेशन हुने जनाएको हो ।
पत्रकार सम्मेलनको उदेश्यबारे जानकारी दिदै समाजवादी विद्यार्थी युनियनका केन्द्रीय अध्यक्ष तथा प्रथम राष्ट्रिय महाधिवेशन आयोजक समिती संयोजक रमेश यादवले संघिय समाजवादी शिक्षा प्रणालीलाई शैक्षिक मुद्धाको रुपमासाथै सामाजिक न्याय ,समानता, पहिचानमा आधारित राज्य संरचना र गणतन्त्र एवम धर्म निरपेक्षताको बिषयहरुलाई राजनितीक मुद्धाको रुपमा अगाडी सार्दै प्रथम राष्ट्रिय महाधिवेशन भैरहवामा हुन लागेको बताउनु भएको हो । उहाले जबसम्म निशुल्क शिक्षा र स्वास्थ्य हुदैन तब सम्म यो देशको बिकास हुन नसक्ने बताउनु भयो । उहाले महाधिवेशनको उद्घाटन जनता समाजवादी पार्टी नेपाल जसपाका केन्द्रीय अध्यक्ष तथा पूर्वउपप्रधानमन्त्री उपेन्द्र यादवले गर्ने बताउनु भएको छ भने महाधिवेशनमा देशभरीबाट ७ सय महाधिवेशन प्रतिनिधि र १ सय जना परिवेक्षक र सयौं स्वयंसेवकहरुको बिचबाट बन्द सत्र र हजारौ संख्याको उपस्थितीमा महाधिवेशन उदघाटन हुने आयोजकले जनाएकोा छ ।
यहि चैत २३ गते शनिबार दिउँसो १ बजे भैरहवास्थित पटवा बैंक्वेटमा हुने महाधिवेशनको उद्घाटन सत्रलाई जसपा नेपालका अध्यक्ष उपेन्द्र यादव, उपाध्यक्ष राजकिशोर यादव, महासचिव एवं पूर्वमुख्यमन्त्री मोहम्मद लालबाबु राउत, महासचिव एवं लुम्बिनी प्रदेश इञ्चार्ज रामकुमार शर्मा लगायतका नेताहरुको सम्बोधन गर्ने कार्यक्रम संयोजक यादवले जानकारी दिनु भएको छ ।
यस्तै गरी महाधिवेशन आयोजक समितिका सह–संयोजक एवमं विद्यार्थी युनियनका उपाध्यक्ष संजय राईले विश्व परिवेशमा अर्थहीन बन्दै गरेको शिक्षा प्रणालीलाई मौलिकता, संघियता, र रैथाने सामाजिक परिवेश संग जोडन, सामाजिक न्याय , समानता , पहिचानमा आधारित राज्य संरचना र गणतन्त्र एवम धर्म निरपेक्षताकाो बिषयलाई राजनितीक मुद्धाको रुपमा अगाडी सारेको बताउनु भयो ।
जसपा नेपालका केन्द्रीय सदस्य एवंम पार्टीको युवा, विद्यार्थी तथा खेलकुद विभाग प्रमुख विन्देश्वर यादव (बिक्की)ले राजनीति भन्दा बाहिर समाज जान नसक्ने भएकाले विद्यार्थीमा राजनीतिको महत्व बढ्दै गएको बताउनु भएको छ । उहाले राजनितीलाई शिक्षा संग जोडेर अगाडी बढे मात्र देश र समाजमा परिर्वतन ल्याउन सकिने बताउनु भयो । उहाले शिक्षा नितीमा सुधार ल्याउन र बिद्यार्थीहरुको हकहितका लागी समाजवादी विद्यार्थी युनियनले योजनाबद्ध तरिकाबाट मुद्धाहरु उठान गर्दै आएको उल्लेख गर्नु भयो ।
पत्रकार सम्मेलनमा जसपा नेपालका केन्द्रीय सदस्य सावित्रा वि.क., रीता यादव, लुम्बिनी प्रदेश अध्यक्ष राम अवतार यादव, प्रदेश कोषाध्यक्ष एवं रोहिणी गाउँपालिकाका अध्यक्ष विद्या प्रसाद यादव, रुपन्देही जिल्ला अध्यक्ष सियाराम यादव, सचिव विष्णु अधिकारी, समाजवादी विद्यार्थी युनियन, नेपालका केन्द्रीय सचिव तथा लुम्बिनी प्रदेश अध्यक्ष राहुल यादव लगायतको सहभागिता रहेको थियो ।
प्रकाशित मिति: २०२५-०४-०३ , समय : २०:५८:१२ , २० घन्टा अगाडि