उर्मिला यादव यात्री , १२७ पटक हेरिएको
लुम्बिनी, चैत २१
श्री जितपुर सामुदायिक बन उपभोक्ता समुह गैडहवा ३,४र ५ बिष्णुपुरा रुपन्देहीको दशौं साधारण सभा बुधबार एक कार्यक्रमका बिच सम्पन्न भएको छ । समुहका कार्यवाहक अध्यक्ष बाबुराम कलवारको अध्यक्षता तथा गैडहवा गाउपालिकाको पुर्व अध्यक्ष बच्चुलाल केवटको प्र्रमुख आतिथ्यतामा दशौं साधारण सभा सम्पन्न भएको हो । 
साधारण सभाको उदघाटन गर्नु हुदै गैडहवा गाउपालिकाका पुर्व अध्यक्ष बच्चु लाल केवटले बनजंगलको संरक्षण गर्नु हरेक नागरिकको दायित्व भएको बताउनु भएको छ । उहाले गैडहवा गाउपालिकाको समृद्धिमा सामुदायिक बनहरुको भुमिकालाई अझै महत्वपुर्ण बनाउन सामुदायिक बनहरुबाट प्रत्यक्ष लाभान्वित उपभोक्ताहरुको समृद्धिमा बन जंगल कार्यक्रमलाई अगाडी बढाउनुको बिकल्प नभएको बताउनु भएको छ । उहाले बन क्षेत्र र सामुदायिक बिकासमा समुहको भुमिकालाई बढाउन सके मात्र स्थानिय उपभोक्ताहरु बन संरक्षणमा स्व स्फुर्त अग्रसर हुने जोड दिनु भयो ।
यस्तै गरी श्री जितपुर सामुदायिक बन उपभोक्ता समुह गैडहवा ३,४र ५ बिष्णुपुराका कार्यवाहक अध्यक्ष बाबुराम कलवारले सामुदायिक बनमा रहेको समस्यालाई मध्यनजर गर्दै बनको संरक्षणका लागी तारबारको ब्यवस्थापन गरी समस्या समाधान गर्ने बताउनु भएको छ । उहाले बनबाट हुने चोरी तस्करी नियन्त्रणका लागी उपभोक्ताहरुले नै सक्रिय रुपमा अनुगमन गर्न आवश्यक रहेको बताउनु भएको छ । उहाले बनमा अब्यस्थित तरिकाले गाडिएको पोलको ब्यवस्थापनका लागी समुहले प्रतिबद्ध भएर काम गर्ने प्रतिबद्धता गर्नु भएको छ । उहाले आर्थिक बर्ष २०८१,८२ मा बाकी रहेका बाकी रहेका कामहरु तारबार, बृक्षारोपाण,पोल निमार्ण लगायतका कार्यक्रमहरुलाई निरन्तरता दिने बताउनु भएको छ ।
कार्यक्रममा कार्यालय सहायक सन्तु प्रसाद धवलले लेखा प्रतिबेदन प्रस्ततु गर्नु भएको थियो भने अध्यक्ष जैसवालले अध्यक्षको प्रतिवेदन प्रस्तुत गर्नु भएको थियो । कार्यक्रममा श्री समृद्ध युवा क्लबका अध्यक्ष गैडहवा तीनका अध्यक्ष निरन्जन जैसवालको स्वागत मन्तब्य रहेको कार्यक्रममा श्री बिष्णुपुरा मा.बि का प्रधानाध्यापक मन्जय बरईले शुभकामना मन्तब्य राख्नु भएको थियो भने कार्यक्रम संचालन बिष्णुपुरा मा.बिका शिक्षक नन्दकिशोर थारुले गर्नु भएको थियो ।
कार्यक्रममा समुहका सचिव पार्वती धोबी, कोषाध्यक्ष तुलसीराम यादव, सहसचिव राज प्रकाश गुप्ता, सदस्यहरुमा रामबहादुर कुवर, साबित्री केवट,कृष्णा केवट, हीरा केवट, घनश्याम चौधरी, नन्दकिशोर यादव,रामरती यादव, रामप्रसाद कुर्म,किरण प्रसाद गुप्ता, रामनेवास कोहार, समुनरी कोहार, सन्तलाल चमार,चन्द्रभान गुप्ता लगायत बिभिन्न संघसंस्थाका पदाधिकारी सरोकारवाला निकायहरुको सहभागिता रहेको थियो ।
प्रकाशित मिति: २०२५-०४-०३ , समय : ०८:२६:०९ , १९ घन्टा अगाडि