उर्मिला यादव,सर्वेन्दर यादव , २७८ पटक हेरिएको
भैरहवा, चैत १९
रुपन्देहीको ओमसतिया ५ गौरी अन्र्तगत पर्ने रोहिणी नदिबाट बालुवा र सार्वजनिक जग्गाबाट माटो चोरी कार्यमा संलग्न तीन वटा सवारी साधन सहित चालकलाई प्रहरीले नियन्त्रणमा लिएको छ ।इलाका प्रहरी कार्यालय ओमसतियाका प्रहरी नायब निरीक्षक श्रीधर आचार्य सहित खटिएको प्रहरी टोलीले बिशेष सुचनाको आधारमा सोमबार दिउसो गौरीबाट टिपर, टयाक्टर र जेसिवीलाई नियन्त्रणमा लिएको हो । प्रहरीका अनुसार प्रदेश २-०३ ००१ ख ०८११३ नम्बरको टिपर, नम्बर नखुलेको जेसिबी रोहिणी ४ चनुलीको नगेन्दर बरई रहेको खुलेको छ भने लु ५ त १६६ नम्बरको टयाक्टर ओमसतिया ५ गौरीका रामचन्दर सहानीको रहेको प्रहरीले जनाएको छ ।
दिनदहाडै रोहिणी नदीको बालुवा र माटो चोरी निकासीमा संलग्न तीन वटै सवारी साधन अहिले जिप्रका रुपन्देहीमा रहेको र आवश्यक कारवाहीका लागी आज ओमसतिया गाउपालिकामा पठाउने तयारी भैरहेको जिल्ला प्रहरी कार्यालय रुपन्देहीका प्रहरी नायब उपरीक्षक सुरज कार्कीले जानकारी दिनु भएको छ ।
ओमसतिया ५ रोहिणी नदीबाट दिनहु जसो बालुवा र माटो चोरी निकासी हुदै आएको छ । ओमसतिया वडा नम्बर ५ को वडा कार्यालय अगाडी बाट दिनहु दिनदहाडै सार्वजनिक जग्गाको माटो र नदिको बालुवा चोरी तस्करी गरी ओसारपसार गर्दा पनि वडा कार्यालय मौन छ । यसमा स्थानिय सरकार मुखदर्शक बन्नुले झन तस्करीलाई बढावा दिएको छ । सधै जसो वडा कार्यालय अगाडीबाट यसरी गाडीमा माटो र बालुवा तस्करी हुन्छ तर पनि कोही बोल्दैन एक स्थानियले बताएका छन । उनले भन्छन हामी बोल्यौ भने हाम्रै घरमा तस्करहरु कुटन समेत आइपुग्छन यसमा स्थानिय जनताले बोलेर के गर्नु जब सम्बन्धित निकाय नै यसका संलग्न छ भने ।
यता रुपन्देही खबरले ओमसतिया वडा नम्बर ५ का वडाध्यक्ष मदन पोखरेललाई तपाईकै वडा कार्यालय अगाडीबाट दिनदहाडै तस्करी हुन्छ किन कुनै कदम चालिदैन भनेर प्रश्न गर्दा वडा कार्यालय अगाडीबाट नदीको बालुवा र माटो तस्करी गरी लैजादै गरेको आफुले नदेखेको बताउनु भयो ।
प्रकाशित मिति: २०२५-०४-०१ , समय : ०९:२५:५६ , २ दिन अगाडि