उर्मिला यादव यात्री , १८९ पटक हेरिएको
सैनामैना, चैत १२
दलित भएकै कारण अझै पनि हिंसा र बिभेद खेप्नु परेको एक कार्यक्रमका बक्ताहरुले बताएका छन । उनीहरुले अन्य समुदायले अझै पनि दलित समुदायलाई सकरात्मक रुपमा लिन नसकेको गुनासो गरेका छन । दलित महिला संघ रुपन्देही फेडो ले सोमबार सैनामैना ३ मा आयोजना गरेको स्थानिय तहमा दलित तथा सिमान्कृत महिलाहरुको आर्थिक सशक्तिकरणको लागी सरोकारवालाहरुसंग अन्तरक्रिया कार्यक्रममा बोल्ने अधिकांश बक्ताहरुले सो कुरा बताएका हुन ।
उनीहरुले दलित बस्ती र समुदाय सम्म यहाका जनप्रतिनिधीहरु समेत नपुग्ने भएकोले यो समुदाय अझै पनि पछाडी परेको गुनासो गरेका छन । उनीहरुले दलितका कुरा जनप्रतिनिधीले सुन्नुपर्ने र दलितका मुद्धाहरुलाई चासो दिन आग्रह समेत गरेका छन ।
कार्यक्रमका प्रमुख अतिथी सैनामैना नगरपालिकाको उपप्रमुख बिना रानाले अन्तरक्रिया कार्यक्रमको उदघाटन गर्नु हुदै समाजमा बढदै गएको घरेलु हिंसा न्युनीकरणका लागी महिलाहरुलाई आर्थिक रुपमा सक्षम बनाउनुपर्ने बताउनु भएको छ । उहाले दलित तथा पछाडि पारिएका महिलाहरूको आर्थिक सशक्तीकरणका लागि नगरपालिकाले बिभिन्न किसिमका सिपमुलक तालिम प्रदान गर्दै आएको बताउनु भएको छ । उहाले सिप सिकेका महिलाहरु आर्थिक रुपमा बलियो बन्नुपर्ने र आफुले सिकेका सिपलाई ब्यवसायीकरण गर्न अनुरोध गर्नु भएको छ । जब सम्म दलित तथा पछाडि पारिएका महिलाहरु आर्थिक रुपमा बलियो हुदैनन तबसम्म उनीहरुको अवस्थामा सुधार हुन नसक्ने भएकोले सिकेका सिपलाई आर्थिक उपार्जनसंग जोडन आग्रह गर्नु भएको छ ।
उहाले नगरपालिकाले लक्षित तथा बिपन्न समुदाय समुदायका लागी सिपमुलक तालिमहरु ल्याए पनि त्यसमा लक्षित समुदायका महिलाहरुले चासो नदेखाएको गुनासो गर्नु भयो । उहाले नगरले ल्याएको तालिमहरु सिकेर ब्यवहारमा लागु गरे मात्र नगरपालिकाले अनुदान दिन सक्ने जोड दिनु भयो ।
यस्तै गरी सैनामैना नगरपालिका वडा नम्बर ३ का वडाध्यक्ष तम बहादुर पुर्जाले वडा भित्र रहेका दलित तथा बिपन्न समुदायको बिकास तथा क्षमता अभिबृद्धिका गर्नका लागी वडाले बजेट छुटयाएर निरन्तर रुपमा काम गर्दै आएको बताउनु भएको छ । वडाध्यक्ष पुर्जाले दलित समुदाय आर्थिक रुपमा पछि परेको उल्लेख गर्दै उनीहरुलाई अगाडी ल्याउनका लागी क्षमता अभिबृद्धि संगै आर्थिक उपार्जन गर्न सकिने खालका कार्यक्रमहरु ल्याउने प्रतिबद्धता समेत गर्नु भएको छ । उहाले सिमान्तकृत समुदायलाई पहुचमा पुरयाउन र उनीहरुलाई आर्थिक रुपमा बलियो बनाउन स्थानिय सरकारको पनि उत्तिकै भुमिका रहेकोले दलित समुदायलाई अगाडी बढाउन जोड दिनु भएको छ ।
यस्तै गरी दलित महिला संघ रुपन्देही फेडोका सल्लाहकार मिना शावरले दलित समुदायमा भएको बिभेद चिर्न शिक्षाको आवश्यकता भएको बताउनु भएको छ । उहाले अझै पनि दलित समुदायका बालबालिकामा शिक्षा पुग्न नसकेको गुनासो गर्दै बालबालिकाहरुलाई शिक्षित बनाउन सके मात्र समाज र सोचमा परिर्वतन ल्याउन सकिने जोड दिनु भयो।
यस्तै गरी दलित महिला संघ रुपन्देही फेडो का अध्यक्ष मनु खडकाले कार्यक्रमको सहजीकरण गर्दै विभिन्न किसिमले दलित समुदाय थर र जातकै आधारमा आज पनि चरम विभेदमा परेको बताउनु भएको छ । उहाले जब सम्म दलित तथा सिमान्कृत समुदायको मुद्धा पहिचान गर्न सकिदैन तब सम्म यो समुदायलाई अगाडी बढाउन नसकिने बताउनु भयो । उहाले स्थानीय तहले नै विभेद न्युनीकरणका लागि विशेष जोड दिए मात्र छुवाछूत कम गर्न सकिने बताउनु भएको छ । उहाले संघ र प्रदेशले बनाएका नीति तथा कानुनमा रहेर स्थानीय सरकारले पहल कदमी अगाडि बढाउनुपर्ने खाँचो रहेको भन्दै त्यसका लागि स्थानीय सरोकारवाला निकायले समेत सहकार्य गर्नुपर्नेमा जोड दिनु भयो ।
दलित महिला संघ रुपन्देही फेडो का अध्यक्ष मनु खडकाको अध्यक्षता तथा सैनामैना नगरपालिकाको उपप्रमुख बिना रानाको प्रमुख आतिथ्यतामा भएको अन्र्तक्रिया कार्यक्रममा सैनामैना वडा नम्बर ३ का वडा सदस्य जमुना पुन सुनार, सैनामैना नगरपालिका वडा ८ का सदस्य सुमित्रा परियार, दलित उत्थान सैनामैना ६ का अध्यक्ष जुद्व बहादुर विक, महिला सम्मान अभियानका जिल्ला संयोजक शंकर नेपाली , सुनगाभा सामुदायिक बिकास केन्द्र कंचन १ का सुस्मिता नेपाली, सिलसिला आमा समुह सैनामैना ६ का हरिकला बि.क., लगायतले बोल्दै दलित तथा सिमान्तकृत समुदायलाई स्थानिय तहको पहुच सम्म पुरयाउन र उनीहरुको समस्या बुझन जनप्र्रतिनिधीहरु उनीहरुको बस्तीसम्म पुग्नैपर्ने आग्रह गरेका थिए । कार्यक्रममा दलित तथा सिमान्तकृत समुदायका प्रतिनिधी, सरोकारवाला निकाय लगायतको सहभागिता रहेको थियो ।
प्रकाशित मिति: २०२५-०३-२५ , समय : ११:२६:५० , १ हप्ता अगाडि