रुपन्देही खबर , १३६ पटक हेरिएको
बुटवल, चैत ९
रुपन्देहीको बुटवलमा दोस्रो लुम्बिनी मिडिया सम्मेलन शुरु भएको छ । मिडिया क्षेत्रका समस्या, चुनौती र समाधानबारे छलफल गर्ने उद्वेश्यले दोस्रो मिडिया सम्मेलन आयोजना गरिएको आयोजकहरुले बताएका छन् । दुई दिनसम्म चल्ने मिडिया सम्मेलनको शुक्रबार विशेष कार्यक्रमका बिच बुटवल उपमहानगरपालिकाका प्रमुख खेलराज पाण्डेयले उद्घाटन गर्नु भएको छ ।
उहाले उद्घाटन गर्न हुदै मोफसलको राजधानी बुटवलमा सञ्चारग्राम निर्माण गर्नुपर्ने बताउनु भएको छ । उहाले मिडियाहाउस र पत्रकारहरुको दिगो रुपमा टिकाई राख्न सञ्चारग्राम बनाउनु पर्ने र त्यसका लागि बुटवल उपमहानगरापालिकाले आर्थिक, भौतिक र नैतिक सबै सहयोग गर्ने प्रतिवद्वता समेत गर्नु भएको छ । उहाले सञ्चारग्राम निर्माणका लागि जग्गाको खोजी गर्ने बताउंदै शिक्षा, स्वास्थ्य र आर्थिक केन्द्रको रुपमा चिनिने बुटवललाई मिडियाको क्षेत्रबाट पनि चिनाउनका लागि मिडिया सञ्चारग्राम निर्माण गर्न आवश्यक रहेको जोड दिनु भयो । उहाले बुटवलको विकासले समग्र देशको विकासमा सकरात्मक प्रभाव पार्ने बताउंदै भारत र चीनका स्थानीय जनप्रतिनिधिसंग संयुक्त रुपमा छलफल गर्ने गरी बुटवल उपमहानगरपालिकाले योजना बनाएको जानकारी गराउनु भएको छ ।
मिडिया सम्मेलन उद्घाटनको पहिलो दिन पत्रकार र पत्रकार महासंघ संघको सम्बन्ध र भावी नीतिबारे नेपाल पत्रकार महासंघका अध्यक्ष निर्मला शर्मा र पूर्व अध्यक्ष विपुल पोखरेल बिच अन्तरक्रिया समेत गरिएको थियो । ।त्यस अवसरमा वर्तमान अध्यक्ष शर्मा र पूर्व अध्यक्ष पोखरेलले पत्रकार महासंघ र पत्रकारहरुको सम्बन्ध नंग र मासुको सम्बन्ध रहेको बताउंदै महासंघ पत्रकारको अभिभावक भएको संस्था रहेको उल्लेख गर्नु भएको थियो ।
पत्रकारितामा श्रमको मुल्य नभएकोले मिडियामा दक्ष जनशक्तिको अभाव भएको तर्कगर्दै पत्रकारिता मर्यादित, जवाफदेही र व्यवसायिक हुनुपर्नेमा जोड दिइएको थियो भने । यो विषयमा पत्रकार भवानी पाण्डेयले सहजीकरण गर्नु भएको थियो ।
त्यस्तै गरी नेपालको विज्ञापन बजार र नीजि क्षेत्रको भूमिकाबारे नेपाल उद्योग बाणिज्य महासंघका अध्यक्ष हेमराज ढकाल, बिज्ञापन बोर्डका अध्यक्ष लक्ष्मण हुमागाई बिच अन्तक्रियात्मक छलफल गरीएको थियो जसको सहजीकरण जगदिश भटटराइले गर्नु भएको थियो ।
इस्तै गरी न्युनतम पारिश्रमिक निर्धारण समितीका अध्यक्ष संगीता खडका, सुचना तथा प्रसारण बिभागका महानिर्देशक प्रदिप परियार, संगीत रोयल्टी संकलन समाज नेपालका अध्यक्ष सुरेश अधिकारी लगायत बिच मिडियालाई स्थायि बनाउनमा सरकारको भुमिका लगायतको बिषयमा अन्तक्रियात्मक छलफल समेत गरिएको थियो ।
त्यस्तै परम्परागत मिडिया अबको बाटो विषयमा बोधराज त्रिपाठी, मदन लम्साल लगायतले व्याख्या गर्नु भएको थियो भने पत्रकार भवानी पाण्डेय, अमृता अनमोल, विनोद परियार र सिपी खनालले सहजीकरण गर्नु भएको थियो ।
प्रकाशन तथा प्रशारण संघ लुम्बिनीका अध्यक्ष नवराज कुंवरको अध्यक्षतामा भएको मिडिया सम्मेलनले आज नया नेतृत्व चयन गर्नेछ
प्रकाशित मिति: २०२५-०३-२२ , समय : ०८:४१:४१ , २ हप्ता अगाडि