रुपन्देही खबर , २२२ पटक हेरिएको
काठमाडौँ, चैत ५
नेपाल प्रहरीले झन्डै २५ करोड रुपैयाँ बराबरको विदेशी मुद्रा बरामद गरेको छ । काठमाडौँ उपत्यका अपराध अनुसन्धान कार्यालयको टोलीले डलर र युरो गरी उक्त रकमसहित एक जनालाई पक्राउ गरेको छ ।
अपराध अनुसन्धान कार्यालयका प्रमुख एसएसपी रमेश बस्नेतका अनुसार टोखा क्षेत्रबाट रातिको समयमा एक गाडीमा लुकाइ राखिएको उक्त रकम बरामद गरिएको हो । ‘यसबारे थप अनुसन्धान भइरहेको छ,’ बस्नेतले भन्नु भयो ‘पैसाको मात्रा धेरै भएकाले मेसिन प्रयोग गरी गन्ने काम भइरहेको छ ।’
उहाका अनुसार भेटिएको रकम नेपाली रुपैयाँअनुसार अनुमानित २५ करोड बराबरको रहेको छ । घटनाबारे विस्तृत विवरण आजै पत्रकार सम्मेलनमार्फत सार्वजनिक गर्ने तयारीमा रहेको प्रहरीले जनाएको छ ।
प्रकाशित मिति: २०२५-०३-१८ , समय : १३:११:३० , २ हप्ता अगाडि