रुपन्देही खबर , १६५ पटक हेरिएको
भैरहवा, चैत ५
रुपन्देहीको ओमसतिया गाउँपालिका २ पुनम पथ पडसरीमा ‘पाल्पाली होटल डालिया इन्टरनेशनल’ सञ्चालनमा आएको छ । ७० लाखको लगानीमा सञ्चालनमा आएको होटलको सोमबार एक कार्यक्रमका बीच होटल व्यवसायी महासंघका केन्द्रीय उपमहासचिव राजेश महोत्रा र होटल तथा रेष्टुरेण्ट व्यवसायी संगठन, रुपन्देहीका अध्यक्ष राम प्रसाद पोखरेलले उद्घाटन गर्नु भएको छ ।
होटलको उदघाटन गर्नु हुदै उपमहासचिव महोत्राले यस क्षेत्रमा नयाँ होटल सञ्चालनमा आउनु खुसीको विषय भएको बताउदै होटलको व्यवसायिक सफलताको शुभकामना व्यक्त गर्नू भएको थियो । उहाले २०६५ सालको पर्यटन नीति कमजोर भएको बताउदै राज्यले हामीलाई समेट्न नसकेको गुनासो गर्नु भएको छ । नितीमा सुधारको आवश्यकता भएको बताउदै उहाले होटल व्यवसायले पर्यटन प्रवद्र्धनमा टेवा पुर्याउने बताउनु भएको छ ।
लुम्बिनी प्रदेश पर्यटन विकास परिषद्का सदस्य समेत रहनु भएको महोत्राले तीन तहकै सरकार मिलेर पर्यटन प्रवद्र्धनमा लाग्नुपर्नेमा जोड दिनु भएको छ । उहाले अबको पर्यटन नीतिले पर्यटन व्यवसायीमा आशा जगाउने विश्वास व्यक्त गर्नु भएको छ ।
होटलले आफ्नो सेवासुविधा तथा खाना एवं खाजाका परिकारमा कुनै कन्जुस्याई गर्न नहुने बताउनु भएको छ । उहाले रुपन्देही सीमासँग जोडिएको जिल्ला रहेको बताउदै यहाँ पर्यटकहरुको आवागमन हुने भएकोले होटेलबाट दिने सेवासुविधा र देखाउने व्यवहार पनि पर्यटनको एउटा प्रोडक्ट बताउनु भएको छ ।
त्यस्तै होटल तथा रेष्टुरेण्ट व्यवसायी संगठन, रुपन्देहीका अध्यक्ष पोखरेलले यस्तो कठिन परिस्थिति ९आर्थिक मन्दी० तथा बजार चलायमान हुन नसकेको अवस्थामा होटल सञ्चालनमा आउनु महत्वपूर्ण भएको बताउनु भएको छ । उहाले ग्राहकको सन्तुष्टी बढेसँगै समस्याहरु समाधान हुँदै जाने र व्यवसायले पनि गति लिने बताउनु भएको छ ।
कार्यक्रममा तथा रेष्टुरेण्ट व्यवसायी संगठन, रुपन्देहीका उपाध्यक्ष नरेन्द्र खनाल, महासचिव बाल बहसचिव कल्पना न्यौपाने, कोषाध्यक्ष दल बहादुर थापा, कार्यसमिति सदस्य रोमकान्त भट्टराई, सुशील पौडेल, सुमन न्यौपाने लगायतले होटलको व्यवसायिक सफलताको कामना गर्नु भएको थियो ।
७० लाख लगानीमा सञ्चालनमा आएको पाल्पाली होटल डालिया इन्टरनेशनल २० वटा कोठा रहेको सञ्चालक तेज प्रसाद बस्यालले बताउनु भएको छ । जसमध्ये १६ वटा एटेच रुम ९एसीसहित० र ४ वटा ननएटेच ९ननएसी० रुम रहेको उहाले जानकारी दिनु भयो ।
होटलमा बस्ने, खाने ९इण्डियन, नेपाली, चाईजिन, कन्टीनेन्टल तथा अर्डर अनुसार खाना० लिफ्ट सुविधा, सेमिनार हल, गाडीको व्यवस्था लगायतका सुविधा रहेको बताउनु भएको छ । उहाका अनुसार होटलमा हाल १० जना कर्मचारी कार्यरत छन् । विगत ५ वर्षदेखि होटल व्यवसायमा आबद्ध बस्याललाई ३२ वर्षदेखि होटल क्षेत्रमा काम गरेको अनुभव छ ।
प्रकाशित मिति: २०२५-०३-१८ , समय : १०:३८:३० , २ हप्ता अगाडि