रुपन्देही खबर , १८१ पटक हेरिएको
नवलपरासी, चैत ५
जिल्ला प्रहरी कार्यालय पश्चिम नवलपरासीले मापदण्ड विपरीत ढुवानी गरी लैजाँदै गरेको १३ गाई ,५ वटा गोरु सहित २ जनालाई नियन्त्रणमा लिएको जनाएको छ । प्रहरीका अनुसार अस्थायी प्रहरी बिट भुमही र इलाका प्रहरी कार्यालय सुनवल र लुम्बिनी प्रदेश प्रहरी कार्यालय दाडबाट खटिएको प्रहरी टोलीले आइतबार साझ सुनवल नगरपालिका वडा नम्बर १२ हरकटटास्थित भित्री सडक खण्डमा रुपन्देहीबाट हेटौडातर्फ जादै गरेको बागमती प्रदेश ०३—००१ ख् ३४७५ नम्बरको मिनी ट्रकमा अमानविय ढंगले मापदण्ड विपरीत ढुवानी गरी लैजाँदै गरेको अवस्थामा प्रहरीले चेकजाच गर्ने क्रममा शंकास्पद देखिएकोलृ गाई गोरु सहित मानिसलाइ नियन्त्रणमा लिएको जिल्ला प्रहरी कार्यालय नवलपरासीका सूचना अधिकारी एवमं प्रहरी नायब उपरीक्षक वीर दत्त पन्तले जानकारी दिनुभएको छ । पक्राउ परेका मिनि ट्रक चालक मकवानपुर हेटौडा उपमहानगरपालिका वडा नम्बर १३ पदमपोखरी बस्ने ४१ वर्षीय तिलक बहादुर गुरुङ र सहचालक रुपन्देहीको रोहिणी गाउँपालिका वडा नम्बर ६ पकडिहवा बस्ने ५० वर्षीय करिम बंजरा लाई नियन्त्रणमा लिएर गाईगोरुहरुलाई सुनवल गौशालामा बुझाइएको प्रहरीले जनाएको छ ।
संलग्न व्यक्तिहरूलाई जिल्ला प्रशासन कार्यालय नवलपरासीबाट पशुपन्छि सम्बन्धी कसुरमा १० दिन म्याद थप गरी अनुसन्धान भइरहेको सुचना अधिकारी डिएसपी पन्तले जानकारी दिनुभएको छ ।
प्रकाशित मिति: २०२५-०३-१८ , समय : ०९:४२:५० , २ हप्ता अगाडि