उर्मिला यादव यात्री , २१९ पटक हेरिएको
भैरहवा, चैत ४
रुपन्देहीको ओसतिया ६ जमुहानीमा अवस्थित ऐतिहासिक जमुहानी पोखरा ताल पार्क निमार्ण तथा सौन्दर्यकरणको एक कार्यक्रमका बिच शिलन्यास गरिएको छ ।
ओमसतिया गाउपालिका वडा नम्बर ६ का वडाध्यक्ष शिव कुमार धवलको अध्यक्षता तथा पुर्व प्रधानमन्त्री पुष्पकमल दाहाल प्रचण्डको प्रमुख आतिथ्यतमा फागुन २८ गते ऐतिहासिक जमुहानी पोखरा ताल पार्क निमार्ण तथा सौन्र्दकरणको शिलन्यास गरिएको हो ।
जमुहानी पोखरा ताल पार्क निमार्ण तथा सौन्र्दकरणको शिलन्यास गर्नु हुदै पुर्व प्रधानमन्त्री प्रचण्डले जमुहानी ताल बुद्धकालिन समय भन्दा धेरै बर्षदेखि रहिआएकोले जमुहानी ताल ऐतिहासिक र पौराणिक महत्व बोकेको ताल भएको बताउनु भएको छ । उहाले यस ताल संग यहाका स्थानियको बिभिन्न सांस्कृतिक परम्पराहरु पनि जोडिएकाले यो मन्दिर र तालको संरक्षण गर्नका लागी आफनो नेतृत्वको सरकार भएको बेलामा तालको सफाइ तथा बाटोघाटो निमार्णका लागी २ करोड रकम निकासा भएको बताउदै यसको शिलन्यास गरिएको बताउनु भएको छ ।
उहाले अभियानको क्रममा यस्ता धार्मिक तथा ऐतिहासिक महत्व बोकेका ताल तलैया लगायत मठमन्दिरहरुको महत्व दिदै यस क्षेत्रको जनताको जिवनमा आर्थिक प्रगति र समृद्धि हुने उदेश्यका साथ काम गर्दै आएको बताउनु भएको छ । उहाले शिलन्यास कार्यक्रममा सिंगो पार्टीको टिमको नै सहभागिता रहेकोले यसको प्रचार प्रचारमा समेत थप सहयोग पुग्ने बिश्वास ब्यक्त गर्नु भयो । उहाले यसको संरक्षण भए मात्र पर्यटकीय बिकासमा थप आयाम थपिने भएकोले यहाको स्थानियको जिवनमा समेत सकरात्मक प्रभाव पार्ने बिश्वास ब्यक्त गर्नु भएको छ । उहाले हुलाकी मार्ग केन्द्रित भएर बिभिन्न जिल्ला र पालिकामा जनता संग संवाद गर्दै गर्दा यस्ता ऐतिहासिक पौराणिक स्थलहरुलाई पनि अगाडी बढाउदै आएको जोड दिनु भयो । पुर्व प्रधानमन्त्री प्रचण्डले राज्यद्धारा यहाका जनतामामाथि बिभेद गरिएको बताउनु भएको छ । यहाले भौतिक पुर्वाधार देखि शिक्षा, स्वास्थ्य रोजगारीको बिकासको दृष्टिकोणले पनि यस क्षेत्रको जनतामाथि बिभेद र अपमान राज्यले गरेको बताउनु भएको छ । उहाले यस्ता बिभेदका बिरुद्ध नया जागरण अभियानमा लागेको समेत बताउनु भयो ।
यस्तै गरी कार्यक्रममा ओमसतिया गाउपालिका वडा नम्बर ६ का वडाध्यक्ष शिव कुमार धवलले बोल्दै ऐतिहासिक जमुहानी पोखरा ताल पार्क निमार्ण तथा सौन्र्दकरणको बिकास बिस्तार र यसको संरक्षण गर्नु सबैको दायित्व भएको बताउनु भएको छ । उहाले बिकासको हिसाबले पछाडी रहेको ओमसतिया गाउपालिकामा आफु निर्वाचित भएर आए देखि नै वडावासीको साथ र सहयोगमा यहाको बिकासमा लागिपरेको बताउनु भएको छ । उहाले यहाको भौतिक पुर्वाधार बिकास, शिक्षा, संस्कृतिको संरक्षण र पर्यटकीय बिकासको लागी वडाले गरेको काम नै उदाहरणीय रहेको उल्लेख गर्नु भयो । उहाले जिर्ण अवस्थामा रहेको यस ऐतिहासिक जमुहानी पोखरा तालको जिर्णउद्धारगरी पार्क निमार्ण तथा सौन्र्दकरणको लागी लागि परेको र पर्यटकीय क्षेत्रको रुपमा बिकास गरी यहाका स्थानियको जिबिको पार्जनमा आर्थिक सहयोग हुने गरी जमुहानी तालको बिकास गर्दै लैजाने प्रतिबद्धता गर्नु भएको छ ।
कार्यक्रममा स्थानिय, समाजसेवी, सरोकारवाला ब्यक्तित्व लगायत बिभिन्न संघसंस्थाका पदाधिकारीहरु लगायतको उल्लेख्य सहभागिता रहेको थियो । कार्यक्रममा थारु झाकी सहित कला संस्कृती झल्किने स्वागत नृत्य समेत गरिएको थियो ।
प्रकाशित मिति: २०२५-०३-१७ , समय : १०:४८:४७ , ३ हप्ता अगाडि