रुपन्देही खबर , २०० पटक हेरिएको
भैरहवा, फागुन २२
प्रहरीले रुपन्देहीको खैरेनीबाट बिस लाख मुल्य बराबरको केराउ सहित ट्रक नियन्त्रणमा लिएको जनाएको छ । जिल्ला प्रहरी कार्यालय रुपन्देहीका प्रहरी नायब उपरीक्षक सुरज कार्कीका अनुसार प्रहरी चौकी खैरेनीबाट खटिएको प्रहरी टोलीले बुधबार देवदह नगरपालिका वडा नम्बर ७ खैरेनी स्थित पुर्व पश्चिम राजमार्गमा पश्चिमबाट पुर्व जादै गरेको ना ६ ख ४२७५ नम्बरको कन्टेनर (ट्रक) रोकी चेकजाँच गर्दा ४ सय बोरा केराउ सहित ट्रक नियन्त्रणमा लिएको हो ।
प्रहरीका अनुसार रामेछाप मन्थली नगरपालिका वडा नं. १३ बस्ने २८ बर्षिय सुजन अधिकारीले चलाएको उक्त ट्रक रोकी चेकजाँच गर्दा बिल बिजक शंकास्पद रहेकोले प्रति बोरा २५ किलो केराउको अन्दाजी मुल्य ८ लाख र ट्रकको १२ लाख गरी २० लाख मुल्य बराबरको केराउ र ट्रक सहित मानिसलाई नियन्त्रणमा लिई आवश्यक कारवाहीको लागी राजस्व अनुसन्धान कार्यालय बुटवलमा बुझाइएको प्रहरी नायब उपरीक्षक कार्कीले जानकारी दिनु भएको छ ।
प्रकाशित मिति: २०२५-०३-०६ , समय : ०९:०८:४९ , ४ हप्ता अगाडि