रुपन्देही खबर , १५० पटक हेरिएको
भैरहवा, फागुन २२
जिल्ला प्रहरी कार्यालय रुपन्देहीले अभौतिक मुद्राको कारोबार गर्ने तीन जनालाई बुटवलबाट पक्राउ गरेको छ। पक्राउ पर्नेमा बुटवल उप–महानगरपालिका वडा नं. ५ बिकाशपथ बस्ने २३ बर्षिय जिसान मिया, बुटवल उप–महानगरपालिका वडा नम्बर १ गणेशथान बस्ने २९ बर्षिय सुरज कशौधन, र अर्घाखाँची छत्रदेव गाउँपालिका वडा नम्बर ५ घर भई हाल बुटवल उप–महानगरपालिका वडा नम्बर ११ देबीनगर बस्ने ३० बषिर्य ईमरान खान रहेका छन ।
जिल्ला प्रहरी कार्यालय रुपन्देहीका प्रहरी नायब उपरीक्षक सुरज कार्कीका अनुसार पक्राउ परेका जिसान मिया, सुरज कशौधन र ईमरान खानले बुटवलमा बिगत लामो समय देखि कानुन बिपरीत वन एक्स वेट बिनान्स समेतका एपहरुको अनाधिकृत रुपमा प्रयोग गरी रुपैया कारोबार गरिरहेको गोप्य सुचनाको आधारमा इलाका प्रहरी कार्यालय बुटवलबाट खटिएको प्रहरी टोलीले मंगलबार साढे ४ बजेको समयमा बुटवल उप–महानगरपालिका वडा नं. ५ नेपाल टेलिकम नजिकै सर्भिष लेन छेउबाट तीनै जनालई पक्राउ गरेको हो ।
पक्राउ परेका तीनै जनाको साथबाट बिभिन्न बैंकका ४ थान चेकबुक, वन एक्स वेट बिनान्स र मोपक्यास एप संचालनमा रहेका बिभिन्न कम्पनिका ५ थान मोवाईल फोनहरु, बिभिन्न दरका ४ लाख ५० हजार नेपाली रुपैया प्रहरीले बरामद गरेको छ । पक्राउ परेका तीनै जनालाई अभौतिक मुद्रा सम्बन्धी कसूरमा म्याद थप भई अनुसन्धान कार्य गरिरहेको जिल्ला प्रहरी कार्यालय रुपन्देहीका प्रहरी नायब उपरीक्षक सुरज कार्कीले जानकारी दिनु भएको छ ।
प्रकाशित मिति: २०२५-०३-०६ , समय : ०८:१५:१२ , ४ हप्ता अगाडि