उर्मिला यादव यात्री , ४०० पटक हेरिएको
भैरहवा, फागुन १९
जिल्ला प्रहरी कार्यालय रुपन्देहीले सियारी २ मा मृत भेटिएकी संगिता चौधरीको हत्यामा संलग्न एक जनालाई पक्राउ गरेको छ । पक्राउ पर्नेमा तिलोत्तमा नगरपालिका वडा नम्बर १२ बस्ने ४२ बर्षिय अमिरीका थारु (अजय थारु) रहेका छन ।
जिल्ला प्रहरी कार्यालय रुपन्देहीका प्रहरी नायब उपरीक्षक सुरज कार्कीका अनुसार सियारी गाउपालिका वडा नम्बर २ भगदरीमा फागुन ८ गते बुधबार मृत भेटिएकी संगिता चौधरी र अमिरीका थारु दुबैजना मजदुरीको काम गर्ने र मादक पदार्थ सेवन गरी झै–झगडाको कारणबाट प्रतिवादीले नजिकै रहेको ढुङ्गाले हानेको अनुसन्धानबाट खुलेको छ । घटनास्थलबाट प्रहरीले हत्यामा प्रयोग भएको २ थान ढुङ्गा, मृतकले प्रयोग गर्ने मोवाईल फोनः–१ थान,यडिडास कम्पनिको लोगो भएको कालो टोपी , ग्यालक्सी कम्पनिको खरानी रङ्गको चप्पल १ जोर बरामद गरेको छ भने प्रतिवादीको साथबाट वरदातको समयमा लगाएको कालो जिन्स पाईन्टः–१ थान, थारुको साथबाट वरामद भएको मृतकले प्रयोग गरेको निलम लेखेको साईकलः–१ थान बरामद भएको प्रहरीले जनाएको छ । घटनाको बिषयमा अनुसन्धानका लागी प्रहरी नायव उपरीक्षक सुरज कार्कीको कमाण्डमा अनुसन्धान टोली गठन गरी अनुसन्धान गरीएको र फागुन १६ गते शुक्रबार साझ साढे ५ बजेको समयमा अमिरीका थारुलाई पक्राउ गरेको प्रहरीले जनाएको छ ।
पक्राउ परेका थारुलाई जिल्ला अदालत रुपन्देहीबाट ८ दिन म्याद थप गरी अनुसन्धान कार्य भईरहेको जिल्ला प्रहरी कार्यालय रुपन्देहीका प्रहरी नायब उपरीक्षक कार्कीले जानकारी दिनु भएकोे छ ।
प्रकाशित मिति: २०२५-०३-०३ , समय : १०:५३:२१ , १ महिना अगाडि