उर्मिला यादव यात्री , ११९ पटक हेरिएको
भैरहवा, माघ १६
सिर्जनशील साहित्यिक समाज (सिसास ) भैरहवा रुपन्देहीले आफनो २१ औं बार्षिकोत्सव तथा ८४ औं सहिद दिवसको अवसरमा आज बुधबार भैरहवामा पुरस्कार समर्पण, श्रष्टा सम्मान एवम साहित्यिक गोष्ठी समारोह सम्पन्न गरेको छ ।
सिसासका उपाध्यक्ष बिष्णु प्रसाद गजुरेलको अध्यक्षता तथा गजलकार प्राज्ञ बुंद रानाको प्रमुख आतिथ्यतामा पुरस्कार समर्पण,श्रष्टा सम्मान एवम साहित्यिक गोष्ठी समारोह सम्पन्न भएको हो ।
कार्यक्रमको उदघाटन गर्नु हुदै प्रमुख अतिथी बुंद रानाले सिसासको साहित्यिक संगमहरु नियमित भइरहेको र यसले नयाँ स्रष्टालाई साहित्य लेखनमा प्रेरित गर्ने बताउनु भएको छ । उहाले यस्ता कार्यक्रमले नयाँ स्रष्टामार्फत भाषा र साहित्यको सेवामा निरन्तर योगदान गरेको समेत बताउनु भयो । उहाले आफनो रचना मार्फत देशका निम्ति शहिदले गरेका योगदानको चर्चा गर्दै शरिर मरे गए पनि देशका लागी गरेको योगदान र समर्पण सधै जिबित रहने जोड दिनु भयो । उहाले शरिर मरेर गए पनि सिर्जना कहिल्यै नमर्ने भएकोले सबै साहित्य प्रेमी मनहरुलाई कलम चलाउन आग्रह गर्नू भएको छ ।
यस्तै गरी पुरस्कार समर्पण,श्रष्टा सम्मान एवम साहित्यिक गोष्ठी समारोहमा सिर्जनशील साहित्यिक पुरस्कार २०८१ बाट कमल पोखरेल निश्छल, सिर्जनशील श्री फाइनान्स साहित्यिक पुरस्कार २०८१ बाट ऋषिराम भुषाल, सिर्जनशील छविलाल साहित्यिक पुरस्कार २०८१ बाट यज्ञलाल सुवेदी, सिर्जनशील गङ्गा साहित्यिक पुरस्कार २०८१ बाट मनु गैरे, सिर्जनशील रमाकान्त साहित्यिक पुरस्कार २०८१ बाट हृदय लेकाली, सिर्जनशील काशी प्रतिभा पुरस्कार २०८१ बाट समिर बनिया नगद सहित सम्मानित हुनु भएको छ ।
कार्यक्रममा संस्थाका कोषाध्यक्ष सिर्जना खनालको स्वागत मन्तब्य रहेको कार्यक्रममा सिसासका उपाध्यक्ष बिष्णु प्रसाद गजुरेल, , सिसासका पुर्व अध्यक्ष छबिलाल न्यौपाने, साहित्य परिषद नवलपरासीका अध्यक्ष डा. श्याम प्रसाद न्यौपाने, सिद्धार्थ साहित्य परिषदका अध्यक्ष डिल्लीराज भटटराई, साहित्यकार बिजय सागर, बनमाली निराकार ,सिर्जनशील रमाकान्त साहित्यिक पुरस्कार २०८१ बाट सम्मानित हुनु भएको हृदय लेकाली, सिर्जनशील छविलाल साहित्यिक पुरस्कार २०८१ बाट सम्मानित यज्ञलाल सुवेदी, सिर्जनशील गङ्गा साहित्यिक पुरस्कार २०८१ बाट सम्मानित मनु गैरे, सिर्जनशील साहित्यिक पुरस्कार २०८१ बाट सम्मानित कमल पोखरेल निश्छल, सिर्जनशील श्री फाइनान्स साहित्यिक पुरस्कार २०८१ बाट सम्मानित ऋषिराम भुषाल लगायतले शुभकामना मन्तब्य राख्दै साहित्य क्षेत्रमा नया पुस्तालाई पनि जोडदै अगाडी बढन आग्रह गर्नु भएको थियो ।
कार्यक्रममा सिसासका पुर्व अध्यक्ष एवम सल्लाहकार सुरज घिमिरे दीपशिखा, नारायण प्रसाद भण्डारी, शशि पन्थी, पुर्व अध्यक्ष छबि ज्ञवाली, छबिलाल न्यौपाने, सुवास रिजाल यात्री, तेज प्रसाद पन्थ लगायतको सहभागिता रहेको थियो भने कार्यक्रम संचालन संस्थाका सचिव रामराज गौतमले गर्नु भएको थियो ।
प्रकाशित मिति: २०२५-०१-२९ , समय : २१:५७:४९ , १ दिन अगाडि