रुपन्देही खबर , १९० पटक हेरिएको
भैरहवा,माघ १५
यु.सि.यम.यस.,शिक्षणअस्पताल,भैरहवा रुपन्देहीको २४ औं वार्षिकोत्सवको अवसरमा ‘नशा तथा मानसिक रोग विभाग’ ले विचार गोष्ठी सम्पन्न गरेको छ । यु.सि.यम.यस., शिक्षण अस्पताल, भैरहवाका ‘नशा तथा मानसिक रोग विभाग’ प्रमुख प्रा.डा.सन्दिप सुवेदीको सभापतित्व तथा यु.सि.यम.यस. शिक्षण अस्पतालका प्रमुख कार्यकारी अधिकृत अजय कुमार पि.एस.को प्रमुख आतिथ्यतामा कार्यक्रम सम्पन्न भएको हो ।
कार्यक्रममा यु.सि.यम.यस शिक्षण अस्पतालका प्रमुख कार्यकारी अधिकृत अजय कुमार पि.एस.ले यस विभागको प्रगति सन्तोषजनक रहेको बताउनु भएको छ । उहाले आगामी दिनमा यसको विकाश र विस्तारमा अस्पतालले अझ बढी लगानी गर्ने बताउनुभयो ।
कार्यक्रममा आवासिय चिकित्सक डा.अभिज्ञा कोइरालाले मानसिक स्वास्थ्यको महत्व र चुनौती सम्बन्धमा सहजीकरण गर्नु भएको थियो भने डा.अनमोल बन्धु कार्कीले यु.सि.यम.यस.मा ‘नशा तथा मानसिक रोग विभाग’ को स्थापना, संक्षिप्त इतिहास तथा भावि योजनाको सम्बन्धमा प्रकाश पार्नु भएको थियो ।
यु.सि.यम.यस., शिक्षण अस्पताल, भैरहवामा ‘नशा तथा मानसिक रोग विभाग’ को स्थापना २५ जनवरी २००१ मा भएको थियो । गएको आर्थिक वर्षमा यस विभागले ओपिडी सेवा मार्फत करिब ३३ हजार,६ सय ४५ जना विरामीहरुको उपचार गरेको थियो, जसमा ४२ प्रतिशत पुरुष र ५८ प्रतिशत महिला रहेका थिए । यस्तै गरी सोही अवधिमा करिब १, हजार ९७ जना विरामी अस्पतालमा भर्ना भई उपचार गराएका थिए, जसमा अधिकांश विरामीहरु २१ देखि ३० वर्ष उमेर समुहको रहेका थिए ।
विभागले यस वर्षदेखि सञ्चालनमा ल्याएको अत्याधुनिक ई.सि.टी. सेवा र आई.क्यु.परिक्षण सेवाका बारेमा प्रकाश पारिएको थियो । विभागले आउँदो दिनमा बालबालिका तथा बयष्कहरुको मानसिक स्वास्थ्य, छारे रोग, लागु औषध कुलत तथा पुनस्र्थापना इत्यादि सम्बन्धमा अझ विशिष्ट परामर्श तथा उपचारका लागि ‘विशिष्ट क्लिनिक’ सञ्चालनमा ल्याउने बताएको थियो ।
डा.कञ्चन गिरी तथा डा.मोहम्मद नसिम अकरम मिकरानीले कार्यक्रम सञ्चालन गर्नु भएको थियो । भने कार्यक्रममा सह–प्राचार्य प्रा.डा.हेमन्त हलुवाई, मेडिकल सुपरिन्टेन्डेन्ट प्रा.डा.साधन मुखी, डा.सन्जिव शाह, डा.श्रेया पौडेल लगायतको उपस्थिति रहेको थियो ।
प्रकाशित मिति: २०२५-०१-२८ , समय : १९:३८:५२ , २ महिना अगाडि