उर्मिला यादव , १४६ पटक हेरिएको
भैरहवा, माघ १५
रुपन्देहीको सिद्धार्थनगर नगरपालिका वडा नम्बर २ ले सोमबार एक कार्यक्रमका बिच श्री मेउडिहवा आधारभुत बिद्यालय सिनपा २ मा ट्रयाकसुट बितरण गरेको छ । सिद्धार्थनगर नगरपालिका वडा नम्बर २ का वडाध्यक्ष छेदीलाल श्रीवास्तवको अध्यक्षता तथा सिनपा वडा नम्बर ३ का वडाध्यक्ष नारायण प्रसाद उपाध्यायको प्रमुख आतिथ्यतामा एक सय ४ जना बिद्यार्थीहरुलाई ट्रयाक सुट बितरण गरिएको हो ।
कार्यक्रमको उदघाटन गर्दै प्रमुख अतिथी उपाध्यायले वडा नम्बर २ ले आफ्नो वडा भित्रका विद्यार्थीहरुलाई ट्रयाक सुट बितरण गर्नु नै उदाहरणीय कार्य भएको बताउनु भएको छ । उहाले आफनो वडा भित्र रहेका बिद्यार्थीहरुलाई पालैपालो गरी ट्रयाक सुट वितरण गर्ने वडाले नीति कार्यक्रममा नै राखेकाले पहिलो चरणमा कक्षा १ देखी ३ सम्मका विद्यार्थीहरुलाई ट्रयाक सुट बितरण गरिएको बताउनु भएको छ । उहाले आगामी दिनमा समेत यस कार्यलाई निरन्तरता दिदै जाने प्रतिबद्धता समेत गर्नु भएको छ ।
यस्तै गरी वडा नम्बर २ का वडाध्यक्ष छेदीलाल श्रीवास्तवले बिद्यालयले माग गरे अनुसार नै बिद्यार्थीहरुलाई ट्रयाक सुट बितरण गरिएको बताउनु भएको छ । उहाले जाडोमा ट्रयाक सुट बितरण गर्नाले जाडो र गर्मी दुबै मौसममा लगाउन मिल्ने भएकोले यस बाट बिद्यार्थीहरुलाई राहत मिल्ने बिश्वास ब्यक्त गर्नु भयो । उहाले आगामी दिनमा बाकी बिद्यार्थीहरुलाई समेत ट्रयाक सुट बितरण गर्ने बताउनु भयो । उहाले वडा नम्बर २ ले बिद्यालय र बिद्यार्थीको बिकासका लागी निरन्तर काम गर्दै आएकोले यसमा अभिभावकहरु समेत बिद्यार्थीहरुलाई ध्यान दिन आग्रह गर्नु भएको छ । उहाले अभिभावकहरु नै बिद्यार्थीहरुको पहिलो मार्ग भएकोले घरमा पनि बिद्यार्थीहरुलाई बिशेष ख्याल गर्न अनुरोध गर्नु भयो ।
कार्यक्रममा बिद्यालय ब्यवस्थापन समितीका सल्लाहकार लालमोहन पठान, बिद्यालयका प्रधानाध्यापक आशा थापा, , सिनपा वडा नम्बर २ का वडासदस्य दिपेश प्रताप शाही लगायतले शुभकामना मन्तब्य राख्नु भएको थियो भने कार्यक्रम संचालन वडा सचिव हिरा बरालले गर्नु भएको थियो ।
कार्यक्रममा कक्षा १ देखी ३ कक्षासम्मका एक सय चार जना बिद्यार्थीहरुलाई ट्रयाकसुट बितरण गरिएको थियो । कार्यक्रममा सिनपा वडा नम्बर २ को वडा सदस्य कन्चन थापा, राजकुमार अहिर, बिन्दु हरिजन, शिक्षक बसन्त बहादुर रायमाझी, सुबिता पुन अधिकारी,मिना गुरुंग, अभिभावक रिमा हरिजन, पुनिता राजभर गुडिया बनिया लगायत स्थानिय, सरोकारवाला निकाय लगायत अभिभावकहरुको सहभागिता रहेको थियो ।
प्रकाशित मिति: २०२५-०१-२८ , समय : ०८:०९:५० , ३ दिन अगाडि