रुपन्देही खबर , ११७ पटक हेरिएको
भैरहवा, कार्तिक १०
रुपन्देहीको सिद्धार्थनगर नगरपालिका र मायादेवी गाउँपालिकाबीच शुक्रवार भैरहवामा सम्पन्न अन्तरपालिका मैत्रीपूर्ण क्रिकेट प्रतियोगितामा सिद्धार्थनगर विजयी भएको छ । कृषि तथा पशु विज्ञान अध्ययन संस्थान पक्लिहवा क्याम्पसको खेलमैदानमा भएका दुुई खेलमा दुवै खेल जित्दै सिद्धार्थनगर विजयी भएको हो ।
प्रतियोगिता अन्तर्गत पहिलो खेलमा टस जितेर मायादेवीले ब्याटिङ रोजेका थियो । निर्धारित १६ ओभरको खेलमा मायादेवीले ५ दशमलव ४ ओभरमा सम्पूर्ण विकेट गुमाउँदै २४ रनको योगफल बनायो । झिनो रनको लक्ष्य पाएको सिद्धार्थनगरले ४ दशमलव १ ओभरमा १ विकेटको क्षतिमा लक्ष्य पूरा गर्दै ९ विकेटले पहिलो खेल जितेको थियो । सिद्धार्थनगरका लागि अमित धोबीले ६ र रामकुमारले ४ विकेट लिएका थिए ।
त्यस्तै दोस्रो खेलमा टस जितेर ब्याटिङ गरेको सिद्धार्थनगरले १२ ओभरमा ४ विकेट गुुमाउँदै १ सय ४ रन बनाएको थियो । जीतका लागी विशाल लक्ष्य पछ्याएको मायादेवी १० ओभरमा सम्पूर्ण विकेट गुमाउँदै ४९ रनमा बनायो । दोस्रो खेलमा सिद्धार्थनगर ५५ रनले विजयी भयो ।
मायादेवीका कुनै पनि खेलाडीले दोहोरो अकं बनाउन सकेनन् । सिद्धार्थनगरको लागि रामकुमारले सर्वाधिक ४६ र अधिस ढकालले ३८ रन बनाएका थिए ।
प्रकाशित मिति: २०२४-१०-२६ , समय : ०७:४३:२८ , ४ हप्ता अगाडि