रुपन्देही खबर , ४३१ पटक हेरिएको
भैरहवा, असोज २०
एभरेस्ट टोल सुधार समिति सिद्धार्थनगर ३ ले शनिबार भैरहवामा सरसफाइ अभियान सम्पन्न गरेको छ । सिद्धार्थनगर नगरपालिका वडा नम्बर ३ रङ्गशालापथको दक्षिणीभेगमा बसोबास गर्ने टोलबासीहरूद्वारा गठित समितीले बडा दशैँको अवसर पारेर शिक्षकपथदेखि बुद्धकलोनीको उत्तरी भेगसम्म सरसफाइ अभियानको सुरुवात गरेको हो ।
समितिका अध्यक्ष विजयप्रकाश उपाध्यायको अध्यक्षता एवम् वडा नम्बर ३ का वडा अध्यक्ष नारायणप्रसाद उपाध्यायको प्रमुख आतिथ्यमा अभियानको सुरुवस्त गरिएको हो ।
कार्यक्रममा रुपन्देहीका प्रमुख जिल्ला अधिकारी गणेश अर्यालले सहभागीहरूलाई सरसफाइमा टोलबासी सकृयता पूर्वक लाग्नु महान कार्य भएको बतौदै हो यसलाई निरन्तरता दिन आग्रह गर्नु भएको थियो ।
देवीप्रसाद न्यौपानेले संचालन गर्नुभएको कार्यक्रममा समितिका सल्लाहकार वार्ड नम्बर ३ का जनप्रतिनिधि वडासदस्य एवम् संस्थाका सल्लाहकार रेणुका कार्की , सल्लाहकार हरिशङ्कर मण्डल, उपाध्यक्ष भगवती श्रेष्ठ ,सचिव शिवशम्भु पाण्डे ,कोषाध्यक्ष सत्यनारायण लोनिया ,सहसचिव गायत्री बिक,सदस्यहरू विष्णुमाया थापा,दीपेन्द्र यादव ,जीतेन्द्र केसी ,पुकार मल्ल, सोनी गुरुङ,दुर्गा श्रेष्ठ लगायत टोलबासीहरूको समेत उपस्थिति रहेको सद्स्य देवीप्रसाद न्यौपानेले बताउनु भएको छ ।
प्रकाशित मिति: २०२४-१०-०६ , समय : ०६:४९:१९ , २ महिना अगाडि