रुपन्देही खबर , ४२ पटक हेरिएको
भैरहवा, असोज ६
जिल्ला प्रहरी कार्यालय रुपन्देहीले जिल्लाको बिभिन्न स्थानबाट ६ लाख १० हजार तीन सय रुपैया बराबरको अबैध सामान बरामद गरेको छ ।
जिल्ला प्रहरी कार्यालय रुपन्देही तथा मातहतबाट खटिएको प्रहरी टोलीले आज बिभिन्न स्थानहरुमा चेकजाच गर्ने क्रममा भारतबाट नेपाल तर्फ अबैध रुपमा भन्सार छली चोरी निकासी र पैठारी गरी ल्याउदै गरेको अवस्थामा जुत्ता ४८० जोर, मटर दाल ६२ बोरा,प्याज १७ बोरा ,चिनी ७ बोरा बरामद गरेको हो । बरामद गरेको सामान आवश्यक कारवाहीको लागी भैरहवा भन्सार कार्यालय बेलहिया रुपन्देहीमा बुझाइएको जिल्ला प्रहरी कार्यालय रुपन्देहीले जानकारी दिएको छ ।
प्रकाशित मिति: २०२४-०९-२२ , समय : २०:२१:४८ , १ महिना अगाडि