रुपन्देही खबर , २०८ पटक हेरिएको
बर्दघाट, जेठ २६
निजि तथा आवासीय विद्यालय अर्गनाइजेसन नेपाल ( प्याब्सन) पश्चिम नवलपरासीले आयोजना गरेको स्पेलिङ्ग बि. कन्टेक्स अर्थात हिज्जे प्रतियोगितामा सुनवल युनाईटेड ई.स्कूल,सुनवल प्रथम भएको छ ।
जिल्लाका ३६ वटा विद्यालयहरुले सहभागिता जनाएको उक्त प्रतियोगितामा सुनवल युनाईटेड ई.स्कूल,सुनवल प्रथम भएको छ भने लिटिल एन्जल द्धितिय,मायादेवि सेकेन्डरी ई.स्कूल तृतिय र द प्याराडाइज नेशनल ई.बो. स्कुल सान्त्वना हुन सफल भएको छ ।
प्याब्सन नवलपरासीले शैक्षिक शत्र २०८१ को वार्षिक कार्ययोजना अनुसारको पहिलो कार्यक्रमका रुपमा आयोजना गरीएको कक्षा ५ सम्मका बिद्यार्थीहरु लक्षीत प्रतियोगिता शुक्रवार बर्दघाटमा सञ्चालन गरीएको थियो ।
बिद्यार्थीहरुको क्षमता अभिवृद्धि गर्ने र सबै विद्यालयहरुको शिक्षक तथा बिद्यार्थीहरु विच एक आपसमा आत्मियता कायम गर्ने उध्येश्य लिएर आयोजना गरीएको उक्त प्रतियोगिता प्याब्सन जिल्ला अध्यक्ष गुरुदत्त पौडेलको अध्यक्षता र प्याब्सनका पूर्व केन्द्रिय सल्लाहकार सुमन गोपाल आचार्यको प्रमुख आतिथ्यतामा सम्पन्न भएको थियो ।
प्याब्सनका वरिष्ठ उपाध्यक्ष डम्वर गुरुङको स्वागत मन्तब्य रहेको कार्यक्रममा जिल्ला सचिव यज्ञ न्यौपानेको सञ्चालन रहेको थियो भने कार्यक्रममा प्याब्सनका केन्द्रिय सदस्य सन्तोष अधिकारी,लुम्बिनी प्रदेश सचिव धनराज चापागाई,जिल्ला सल्लाहकार भगवन्त प्रसाद धवल,थमन शेरचन लगायतको उपस्थिती रहेको थियो । अहिले प्याब्सन नवलपरासीमा ६५ वटा विद्यालयहरु आवद्ध रहेको जिल्ला अध्यक्ष गुरुदत्त पौडेलले बताउनु भयो ।
प्रकाशित मिति: २०२४-०६-०८ , समय : १३:३०:१८ , ६ महिना अगाडि