महेश यादव , ६७८ पटक हेरिएको
नवलपरासी , जेठ २८
पश्चिम नवलपरासीको सरावल गाउँपालिकाका नवनिर्वाचित जनप्रतिनिधि तथा कर्मचारीहरुलाई सरावल गाउँपालिकाकाे आयाेजनामा दुई दिने अभिमुखिकरण कार्यक्रम सम्पन्न गरिएको छ ।
बैशाख ३० गते सम्पन्न भएको २०७९ सालकाे स्थानीय निर्वाचनमा नवनिर्वाचित भएका सरावल गाउँपालिका अध्यक्ष ,उपाध्यक्ष ,कार्यपालिका सदस्य ,वडा अध्यक्ष ,वडा सदस्य र पालिका भित्र विभिन्न वडामा कार्यरत रहेका सचिव तथा कर्मचारीहरुलाई दुई दिने अभिमुखिकरण कार्यक्रम प्रदान गरिएको हाे ।
दुइ दिने अभिमुखिकरण कार्यक्रममा गाउँपालिकाकाे काम, कर्तव्य , अधिकार, न्यायिक समिति र प्रहरीकाे कर्तव्य र भुमिका ,नागरिकता तथा अन्य सिफारिस बनाउदा ध्यान दिनुपर्ने कुरा , स्थानीय सरकार सञ्चालन ऐन तथा स्थानीय विकास र व्यवहारिक समस्या समाधानका विषयमा तालिम दिइएको हाे।
रुपन्देहीको बुटवलमा सम्पन्न भएको तालिममा पश्चिम नवलपरासीका प्रमुख जिल्ला अधिकारी श्रवण कुमार पाेख्रेल , जिल्ला प्रहरी कार्यालय नवलपरासीका एसपि ऋषिराम कण्डेल तथा अधिवक्ता मित्रलाल लामिछानेले लगायतले कार्यक्रमकाे सहजिकरण गर्नुभएको थियोे ।
प्रकाशित मिति: २०२२-०६-११ , समय : २२:२०:०७ , २ वर्ष अगाडि