रामभवन मौर्या , ३२७ पटक हेरिएको
मर्चवार, माघ ६
श्री गौतम बुद्ध स्वालम्बन बचत तथा ऋण सहकारी संस्था लिमिटेडको २४औ बार्षिक साधारण सभा एक कार्यक्रम बिच सम्पन्न भएको छ । संस्थाका अध्यक्ष दीपचन्द मौर्यको अध्यक्षता तथा लुम्बिनी प्रदेश सभा सदस्य कन्हैया बनियाको प्रमुख आतिथ्यतामा २४ आंै साधारण सभा सम्पन्न भएको हो ।
कार्यक्रमको उदघाटन गर्दै प्रमुख अतिथी कन्हैया बनियाले आफु निर्वाचित भैसकेपछि जनताको लागी नै काम गर्दै आएको बताउनु भएको छ । उहाले मर्चवारमा बन्दै गरेको मुख्य बाटो छिटो छरितो रुपमा बनाउनका लागी पहल गरेको बताउनु भएको छ । प्रदेश सभा सदस्य बनियाले मर्चवारबासीको लागी सिचाइको छिटटै ब्यवस्थापन गरिने जोड दिनु भएको छ ।
जिल्ला सहकारी संघका अध्यक्ष अशोक कुमार तिवारीले यस सहकारीले समाजमा उल्लेख्य भूमिका खेलेकोमा खुसी व्यक्त गर्दै सदस्यको विस्तार गर्दै नयाँ काम र योजना सहित अघि बढन आग्रह गर्नु भएको छ ।
कार्यक्रममा बोल्दै सम्मरीमाई गाउपालिका अध्यक्ष बिनोद श्रीवास्तवले संस्थामा भएका कमिकमजोरीलाई मध्यनजर गरी मनन गरेर सबै सदस्य मिलेर समस्या समाधान गर्नुपर्नै बताउनु भएको छ । उहाले सहकारी सस्था सबैको साझा भएकोले यसलाई मिलेर संचालन गर्न आग्रह गर्नु भएको थियो । उहाले सहकारी मार्फत कृषि क्षेत्रको बिकासमा आफुले आवश्यक सहयोग गर्ने प्रतिबद्धता समेत गर्नु भएको छ ।
यस्तै गरी संस्थाका अध्यक्ष दीपचन्द मौर्यले यस सहकारीले समाजमा महत्वपुर्ण भूमिका खेलेकोले संस्था सञ्चालनमा भएका कमीकमजोरीलाई शेयर सदस्यहरुले संस्था माझ राख्न आग्रह गर्नु भएको थियो । यस्तै गरी संस्थाका लेखा सचिव रामसेवक केवटले लेखा बिवरण प्रस्तुत गर्नु भएको थियो भने सस्थाको ब्यवस्थापक हरिप्रसाद चौधरीले सहकारीको बारेमा सम्पुर्ण जानकारी गराउनु भएको थियो ।
भनेसहकारीका शेयर सदस्य जैस मोहम्मद खानले संस्थामा भएको कमिकमजोरीलाई सुधार गर्न माग गरेका थिए । यस्तै गरी कार्यक्रममा सहकारीका ब्यवस्थापक रामसेवक चौधरीको स्वागत मन्तब्य रहेको कार्यक्रममा लुम्बिनी प्रदेश सभा सदस्य कन्हैया बनिया,सम्मरीमाई गाउपालिका उपाध्यक्ष कुमारी प्रियका सिंह, सस्थाका सल्लाहकार हरिराम चौधरी,असुरैना स्वास्थ्य चौकीका प्रमुख सुखनन्दन पाल, जिल्ला सहकारी संघको केन्द्रिय अध्यक्ष अशोक कुमार तिवारीले लगायतले शुभकामना मन्तब्य राख्नु भएको थियो । भने कार्यक्रम संचालन गोरख मौर्याले गर्नु भएको थियो । श्री गौतम बुद्ध स्वालम्बन बचत तथा ऋण सहकारी संस्थाले २४औं बार्षिक साधारण सभामा बिद्यार्थीहरुलाई झोला बितरण गरेको थियो भने आफना जेष्ठ शेयर सदस्यहरुलाई खादा ओढाई सम्मान समेत गरेको थियो ।
प्रकाशित मिति: २०२४-०१-२० , समय : २२:१९:२० , १० महिना अगाडि